ବାଲେଶ୍ବର: ଜିଲ୍ଲାର ଜଳେଶ୍ବର ଥାନାର ପୂର୍ବତନ ତଥା ନିଲମ୍ବିତ ଅଧିକାରୀ ଧନେଶ୍ବର ସାହୁଙ୍କ ସରକାରୀ ବାସଭବନରେ ଗୁରୁବାର ପୁଣି ଭିଜିଲାନ୍ସ ଚଢ଼ାଉ କରିଛି । ଧନେଶ୍ବରଙ୍କ ବ୍ରାଉନସୁଗର ବ୍ୟବସାୟୀଙ୍କ ସହ ଲିଙ୍କ ଥିବା ନେଇ ଏକ ଅଡିଓ ଭାଇରାଲ ହେବାପରେ ଡିଜିଙ୍କ ନିର୍ଦ୍ଦେଶରେ ତାଙ୍କୁ ନିଲମ୍ବନ କରାଯାଇଥିଲା।
ନିଲମ୍ବିତ ଥାନା ଅଧିକାରୀଙ୍କ ବାସଭବନରେ ପୁଣି ଭିଜିଲାନ୍ସ ରେଡ୍
ଧନେଶ୍ବରଙ୍କ ବାସଭବନରେ ଭିଜିଲାନ୍ସ ଟିମ ଚଢାଉ କରି ବିଭିନ୍ନ କାଗଜପତ୍ର ଯାଞ୍ଚ କରିଥିଲା । ପୂର୍ବରୁ ଦୁଇ ଥର ଭିଜିଲାନ୍ସ ଟିମ୍ ତାଙ୍କ ବାସଭବନ ଓ ଜଣେ ଗୃହରକ୍ଷୀଙ୍କ ଘରେ ରେଡ଼ କରିଥିଲା। ସେହିପରି ପୁଣିଥରେ ତୃତୀୟଥର ଭିଜିଲାନ୍ସ ବିଭାଗର ଦୁଇଜଣିଆ ସ୍ବତନ୍ତ୍ର ଟିମ ଚଢ଼ାଉ କରି ବିଭିନ୍ନ କାଗଜପତ୍ର ଯାଞ୍ଚ କରିଥିଲେ।