ବାଲେଶ୍ବର: ସହରର ଗାନ୍ଧିସ୍ମୃତି ଭବନରେ ରାଜ୍ୟ ସ୍ତରୀୟ ସଂସ୍କୃତ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଏଥିରେ ରାଜ୍ୟସ୍ତରର ବହୁ ମାନ୍ୟଗଣ୍ୟ ବ୍ୟକ୍ତି ବିଶେଷ ଯୋଗ ଦେଇଥିଲେ। ଏହି ସମ୍ମିଳନୀରେ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଉତ୍କଳ ସଂସ୍କୃତ ଶିକ୍ଷକ ମହାସଂଘ ଓ ଅଖିଳଭାରତ ଅମୃତବାଣୀ ସେବା ପ୍ରତିଷ୍ଠାନର ମିଳିତ ସହଯୋଗରେ ଆୟୋଜିତ ହୋଇଛି ଏହି ସମ୍ମିଳନୀ ।
ସଂସ୍କୃତ ସମ୍ମିଳନୀରେ ଯୋଗଦେଲେ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ
ସବୁ ଭାଷା ଠାରୁ ମଧୁର ଓ କଷ୍ଟ ଭାଷା ହେଉଛି ସଂସ୍କୃତ, ଯାହାର ସାଧନା ବିନା ମୁଖରୁ ନିସୃତ ହେବା କଷ୍ଟ ବୋଲି ମନ୍ତ୍ରୀ କହିଥିଲେ। କେନ୍ଦ୍ରମନ୍ତ୍ରୀ ନିଜର ସମ୍ପୂର୍ଣ୍ଣ ବକ୍ତବ୍ୟ ସଂସ୍କୃତରେ ଦେଇଥିଲେ। କେନ୍ଦ୍ରମନ୍ତ୍ରୀଙ୍କୁ ଶ୍ଳୋକ ମାଧ୍ୟମରେ ମଞ୍ଚକୁ ପାଛୋଟି ନିଆଯାଇଥିଲା। ଏହି କାର୍ଯ୍ୟକ୍ରମକୁ ମୁସଲମାନ ସଂସ୍କୃତ ବିଦ୍ବାନ ପଣ୍ଡିତ ଗୁଲାମ ଦସ୍ତଗିରି ଉଦଘାଟନ କରିଥିଲେ।