ବାଲେଶ୍ବର: ଜିଲ୍ଲାର ଭୋଗରାଇ ନିମାତପୁର ଗାଁର ଝିଅ କ୍ରିଷ୍ଣା ଓ ଦେଢ଼ମାସର ଶିଶୁପୁତ୍ରଙ୍କ ପିତାମାତାଙ୍କ କୋରୋନାରେ ମୃତ୍ୟୁ ଘଟିଥିଲା । ଫଳରେ ଦୁହେଁ ପାତାମାତାଙ୍କୁ ହରାଇ ବେସାହାରା ହୋଇଯାଇଛନ୍ତି । ଏହି ଅସହାୟ ପିଲାଙ୍କୁ ସାହାଯ୍ୟ କରିବା ପାଇଁ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ ଓ ସ୍ଥାନୀୟ ପ୍ରଶାସନ ପ୍ରୟାସ କରିଛନ୍ତି ।
ଭୋଗରାଇର ଅନାଥ ଭାଇଭଉଣୀଙ୍କ ଦୁଃଖ ବୁଝିଲା ପ୍ରଶାସନ ଓ କେନ୍ଦ୍ରମନ୍ତ୍ରୀ
କମଲେଶ ପଣ୍ଡା ଓ ତାଙ୍କ ସ୍ତ୍ରୀ କୋରୋନାରେ ଆରପାରିକୁ ଚାଲିଯିବା ପରେ 7 ବର୍ଷର ଝିଅ କ୍ରିଷ୍ଣା ନିଜର ଦେଢ଼ ମାସର ଭାଇକୁ ନେଇ ଅସହାୟ ହୋଇ ପଡ଼ିଥିଲା। ସେମାନଙ୍କ ଦୁଃଖରେ ସହଭାଗୀ ହୋଇଛନ୍ତି ବିଭିନ୍ନ ସାମାଜିକ ଅନୁଷ୍ଠାନ ସମେତ ସେମାନଙ୍କ ନିକଟରେ ପହଞ୍ଚିଛି ପ୍ରଶାସନ ଓ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ । ଭୋଗରାଇ ତହସିଲଦାର ଓ ବିଡ଼ିଓ କ୍ରିଷ୍ଣା ପାଖରେ ପହଞ୍ଚି ତାର ଦୁଃଖ ହରିବା ପାଇଁ ପ୍ରୟାସ କରାଯାଇଛି । ଅଗ୍ରୀମ 3 ମାସର ଭତ୍ତା ଦେବାସହ ସେମାନଙ୍କ ଦାୟିତ୍ବ ପ୍ରଶାସନ ବହନ କରିବା ପାଇଁ ପ୍ରତିଶ୍ରୁତି ଦିଆଯାଇଛି।