ଡକାୟତି ଯୋଜନା ପଣ୍ଡ, 2 କୁଖ୍ୟାତ ଡକାୟତ ଗିରଫ

ଜିଲ୍ଲାର ସହଦେଵଖୁଣ୍ଟା ଥାନା ପୋଲିସ ଜାତୀୟ ରାଜପଥରେ ଡକାୟତି ନେଇ ଯୋଜନା କରୁଥିବା ବେଳେ 2ଜଣ ଡକାୟତକୁ ଗିରଫ କରିଛି । ସେମାନଙ୍କ ନାଁରେ ଥାନାରେ ଏକାଧିକ ଅପରାଧିକ ମାମଲା ରହିଛି ।

ବାଲେଶ୍ଵର: ସ୍ଥାନୀୟ ସହଦେଵଖୁଣ୍ଟା ପୋଲିସ 2 ଜଣ କୁଖ୍ୟାତ ଡ଼କାୟତଙ୍କୁ ଗିରଫ କରିଛି । ସେମାନେ ରାଜପଥରେ ଡକାୟତି ନେଇ ଯୋଜନା କରୁଥିବା ବେଳେ ପୋଲିସ ଗିରଫ କରିଛି ।

ବିଶେଷ ସୂତ୍ରରୁ ପୋଲିସ ଖବର ପାଇ 2 କୁଖ୍ୟାତ ଡ଼କାୟତଙ୍କୁ ଗିରଫ କରିଛି । ସେମାନଙ୍କ ନିକଟରୁ 2ଟି ବନ୍ଧୁକ, 2ଟି ଅଫୁଟା ଗୁଳି, 18ଶହ ଟଙ୍କା ଜବତ କରାଯାଇଛି । ଗିରଫ ଦୁଇ ଅଭିଯୁକ୍ତ ହେଲେ ସେକ ମାମୁଦ ଓ ରିଣ୍ଟୁ ତରେଇ ।

ଗିରଫ ଦୁଇ ଅଭିଯୁକ୍ତ ଜାତୀୟ ରାଜପଥ ଲୁଟେରା ଓ ପେସାଦାର ଅପରାଧୀ ବୋଲି ଜଣାପଡିଛି । ମାମୁଦ ଜଣେ କୁଖ୍ୟାତ ଅପରାଧୀ ହୋଇଥିବା ବେଳେ ସହଦେଵଖୁଣ୍ଟା ଥାନାରେ ହତ୍ୟା, ରାଜହାନୀ, ଡକାୟତି ଭଳି 9ଟି ଅପରାଧିକ ମାମଲା ତା ବିରୋଧରେ ରହିଛି । ଏହି ଘଟଣାରେ ଆହୁରି 3ଜଣଙ୍କ ସମ୍ପୃକ୍ତି ଥିବା ସୂଚନା ମିଳିଛି ।

ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ