ବାଲେଶ୍ବର: ଦିନକୁ ଦିନ କଳଙ୍କିତ ହେବାରେ ଲାଗୁଛି ଗୁରୁ ଶିଷ୍ୟଙ୍କ ମଧ୍ୟରେ ଥିବା ସୁମଧୁର ସମ୍ପର୍କ । ଛାତ୍ରଛାତ୍ରୀଙ୍କ ପ୍ରତି ଶିକ୍ଷକଙ୍କ ବଢୁଛି ଲୋଲୁପ ଦୃଷ୍ଟି, ରସିକିଆ ସାଜୁଛନ୍ତି ମାଷ୍ଟ୍ରେ । ଏହି ଭଳି ଖବର ଯେତିକି ଘୃଣ୍ୟ ସେତିକି ନୀଚ ଓ ନୈତିକତାହୀନ । ଏଭଳି ଜଣେ ବାଜେ ଚରିତ୍ରର ଟିୟୁସନ ଶିକ୍ଷକଙ୍କୁ ନିଜ କୁକର୍ମର ଫଳ ଦେଇଛନ୍ତି ଗ୍ରାମବାସୀ । ଅନୈତିକ କାର୍ଯ୍ୟରେ ପିଲାଙ୍କୁ ଲିପ୍ତ କରିବା ଅଭିଯୋଗରେ ଗାଁ ଲୋକେ ସମ୍ପୃକ୍ତ ଶିକ୍ଷକଙ୍କୁ ବିଦ୍ୟୁତ୍ ଖୁଣ୍ଟରେ ବାନ୍ଧି ଉପଯୁକ୍ତ ଶିକ୍ଷା ଦେଇଛନ୍ତି ।
ସୂଚନା ଅନୁସାରେ, ନୀଳଗିରି ଥାନା ଅଧିନ ସିଙ୍ଗିରି ଗ୍ରାମରେ କିଶୋର ନାୟକ ନାମକ ଶିକ୍ଷକ ପିଲାଙ୍କୁ ଟିୟୁସନ କରନ୍ତି। ଟିୟୁସନ ଛୁଟି ପରେ ସେ ଦୁଇଜଣ ପିଲାଙ୍କୁ ଅଟକ ରଖି ସେମାନଙ୍କ ସହ ଅନୈତିକ ସମ୍ପର୍କ ସ୍ଥାପନ କରୁଥିବା ଅଭିଯୋଗ ହୋଇଛି । ଏମିତି କିଛିଦିନ ବିତିବା ପରେ ପିଲାମାନେ ସେମାନଙ୍କ ସହ ଘଟିଥିବା କଥା ସମ୍ପର୍କରେ ପରିବାର ଲୋକଙ୍କ ଆଗରେ ପ୍ରକାଶ କରିଥିଲେ । ପରିବାର ଲୋକେ ଉକ୍ତ ଶିକ୍ଷକଙ୍କୁ ଏ ଘଟଣା ସମ୍ପର୍କରେ ପଚାରିବାରୁ ସେ ହଡବଡେଇବା ସହ ସନ୍ତୋଷଜନକ ଉତ୍ତର ଦେଇ ନଥିଲେ ।