ସାନ୍ତାଳୀ ଭାଷାରେ ଅଙ୍ଗନବାଡି କେନ୍ଦ୍ର ଓ ଶିକ୍ଷୟିତ୍ରୀ ନିଯୁକ୍ତି ଦାବି
ବାଲେଶ୍ବର: ଆଦିବାସୀ ସାମାଜିକ ଶିକ୍ଷା ଓ ସାଂସ୍କୃତିକ ସଂଘ ଓଡିଶାର ବାଲେଶ୍ବର ଶାଖା ପକ୍ଷରୁ ସ୍ବତନ୍ତ୍ର ଶିଶୁ ସାନ୍ତାଳୀ ଅଙ୍ଗନୱାଡି କେନ୍ଦ୍ର (Demand for opening of Sanatali Anganwadi Centre) ଖୋଲିବା ପାଇଁ ଦାବି ହୋଇଛି । ଏନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଆଜି ବାଲେଶ୍ବର ଜିଲ୍ଲାପାଳ (Balasore District Collector)ଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି ।
ସାନ୍ତାଳୀ ଭାଷା ଅଲଚିକି ଲିପିର ସ୍ରଷ୍ଟା ପଣ୍ଡିତ ରଘୁନାଥ ମୁର୍ମୁ ୧୯୨୫ ମସିହାରେ 'ସାନ୍ତାଳୀ ଭାଷା ଅଲଚିକି' ବାହାର କରି ବହୁବାର ଆନ୍ଦୋଳନ କରିଥିଲେ । ଫଳରେ ଗତ ୨୦୦୩ ଡିସେମ୍ବର ୨୨ ତାରିଖରେ ଭାରତ ସମ୍ବିଧାନର ଅଷ୍ଟମ ସୂଚୀରେ ମାନ୍ୟତା ପାଇଥିଲା । ଏବେ ସାନ୍ତାଳୀ ଭାଷାରେ ଓଡ଼ିଶାର ମୟୂରଭଞ୍ଜ ଓ କେନ୍ଦୁଝର ଜିଲ୍ଲାରେ ଯେମିତି ସ୍ବତନ୍ତ୍ର ସାନ୍ତାଳୀ ଭାଷାରେ ଅଙ୍ଗନୱାଡ଼ି ଚାଲୁଛି ସେହିଭଳି ବାଲେଶ୍ବର ଜିଲ୍ଲାର ଆଦିବାସୀ ବହୁଳ ଅଞ୍ଚଳ ଗୁଡିକରେ ଏଭଳି ଅଙ୍ଗନବାଡି କେନ୍ଦ୍ର ଖୋଲିବା ପାଇଁ ଦାବି ହୋଇଛି ।