ବାଲେଶ୍ବର: ଦୁର୍ବୃତ୍ତଙ୍କ ତୁମୁଳକାଣ୍ଡ । ଦିନଦ୍ବିପହରେ ଥାନା ଆଗରେ ମହିଳାଙ୍କଠୁ ଲୁଟିନେଲେ ସୁନାଚେନ । ଏହାସହ ଉକ୍ତ ମହିଳାଙ୍କୁ ଗୋଇଠା ମାରି ସେଠାରୁ ଫେରାର ହୋଇଯାଇଥିଲେ । ଏଭଳି ଅଭାବନୀୟ ଘଟଣା ଘଟିଛି ବାଲେଶ୍ବର ଜିଲ୍ଲା ସୋର ଥାନା ସାମନାରେ ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୂଚନା ଅନୁସାରେ ସୋର ଥାନା ରୋଷ ଗ୍ରାମର ନିରଞ୍ଜନ ପଣ୍ଡାଙ୍କ ସ୍ତ୍ରୀ ମାନସୀ ନିଜ ସ୍କୁଟିରେ ବଜାରରୁ ଘରକୁ ଫେରୁଥିଲେ । ସୋର ଥାନା ନିକଟରେ 3ଜଣ ଦୁର୍ବୃତ୍ତ ବାଇକରେ ଆସି ମାନସୀଙ୍କ ସୁନାଚେନ ଲୁଟିନେବା ସହ ତାଙ୍କୁ ଗୋଇଠା ମାରି ତଳେ ପକାଇ ଦେଇଥିଲେ । ଆହତ ଅବସ୍ଥାରେ ମାନସୀଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି ।