ଗାଁକୁ ସାନିଟାଇଜ କଲେ ସ୍ବୟଂ ସହାୟିକା ଗୋଷ୍ଠୀ

ରେମୁଣା ବ୍ଲକ କଲ୍ୟାଣପୁର ଅଞ୍ଚଳର ସ୍ବୟଂ ସହାୟିକା ଗୋଷ୍ଠୀ ନିଜ ହାତକୁ ନେଲେ ସାନିଟାଇଜସନ ପ୍ରକ୍ରିୟା । କଲ୍ୟାଣପୁର ଗ୍ରାମ ସମେତ ପଞ୍ଚାୟତ କାର୍ଯ୍ୟାଳୟ ଓ କ୍ବାରେଣ୍ଟିନ ସେଣ୍ଟରକୁ ସାନିଟାଇଜ କରିଛନ୍ତି ।

ବାଲେଶ୍ଵର: ଜିଲ୍ଲା ରେମୁଣା ବ୍ଲକ କଲ୍ୟାଣପୁର ଅଞ୍ଚଳର ସ୍ବୟଂ ସହାୟିକା ଗୋଷ୍ଠୀର ମହିଳାମାନେ କରିଛନ୍ତି ସାନିଟାଇଜ । ମା ଜ୍ୟୋତିର୍ମୟୀ ସ୍ବୟଂ ସହାୟିକା ଗୋଷ୍ଠୀର ମହିଳାମାନେ ନିଜ ଅଞ୍ଚଳକୁ ସାନିଟାଇଜ କରିବା ପାଇଁ ଅଣ୍ଟା ଭିଡିଥିବା ଦେଖିବାକୁ ମିଳିଥିଲା ।

ମହିଳା ଗୋଷ୍ଠୀର ସଭାପତି ବାସନ୍ତୀ ପାକଳ ଓ ବିମଳା ପୁହାଣଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ମହିଳାମାନେ କଲ୍ୟାଣପୁର ଗ୍ରାମ ସମେତ ପଞ୍ଚାୟତ କାର୍ଯ୍ୟାଳୟ ଓ କ୍ବାରେଣ୍ଟିନ ସେଣ୍ଟର ସାନିଟାଇଜ କରିଥିଲେ । ଏହି ସାନିଟାଇଜେସନ କାର୍ଯ୍ୟକ୍ରମରେ ମହିଳା ଗୋଷ୍ଠୀର 11 ଜଣ ସଦସ୍ୟ ସାମିଲ ହୋଇଥିଲେ ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ