ବାଲେଶ୍ବର: ପାଖେଇ ଆସୁଛି ବାଲେଶ୍ଵର ସଦର ଉପନିର୍ବାଚନ ତାରିଖ । ଏଥିପାଇଁ ଏବେ ବିଜେଡିର ରାଜ୍ୟସ୍ତରୀୟ ନେତା ବାଲେଶ୍ବରରେ ଡେରା ପକାଇଛନ୍ତି। ନେତାମନ୍ତ୍ରୀ ମାନେ ବିଭିନ୍ନ ୱାର୍ଡ ବୁଲି ପ୍ରଚାର କରିବା ସହ ଅନ୍ୟଦଳର କର୍ମୀମାନଙ୍କୁ ବିଜେଡିରେ ମିଶାଉଛନ୍ତି। ଏହି ପରିପ୍ରେକ୍ଷୀରେ ପର୍ଯ୍ୟଟନ ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ ମଧ୍ୟ ପଛରେ ନାହାନ୍ତି।
ପ୍ରଚାର ମୈଦାନରେ ପର୍ଯ୍ୟଟନ ମନ୍ତ୍ରୀ,
ମନ୍ତ୍ରୀ ବିଭିନ୍ନ ୱାର୍ଡ ଓ ପଞ୍ଚାୟତକୁ ଯାଇ ଭୋଟର ତଥା ଅସନ୍ତୁଷ୍ଟ କର୍ମୀମାନଙ୍କୁ ବୁଝାଇବାକୁ ଚେଷ୍ଟା କରୁଛନ୍ତି। ସେହିପରି ପାତ୍ରପଡ଼ା ପଞ୍ଚାୟତରେ ମନ୍ତ୍ରୀ ଏକ ମିଶ୍ରଣ ପର୍ବରେ ଯୋଗ ଦେଇଥିଲେ। ଯେଉଁଠି ଅନ୍ୟ ଦଳର ବହୁ କର୍ମୀ ବିଜେଡିରେ ମିଶିଥିବା ଦେଖିବାକୁ ମିଳିଥିଲା।