ବାଲେଶ୍ବର: ରାଜ୍ୟ ସରକାରଙ୍କ ଅନେକ ଯୋଜନା ଭିତରେ ଗରିବ କେତେବେଳେ ଶୋଷଣର ଶିକାର ହେଉଛି ତ କେତେବେଳେ ଅସହାୟ ହୋଇ ପଡୁଛି। ଜନ୍ମ ଠାରୁ ମୃତ୍ୟୁ ଯାଏଁ ସରକାରୀ ଯୋଜନା ଭିତରେ ଅନେକ ଅସହାୟ ମଣିଷ ଅବହେଳାର ଶିକାର ହେଉଥିବା ଦେଖିବାକୁ ମିଳୁଛି। ସେମିତି ବାଲେଶ୍ଵର ଜିଲ୍ଲା ଖଇରା ବ୍ଲକ ହରିପୁର ଗାଁର ବୃଦ୍ଧା ବୁଲି ବେୱା ପ୍ରଶାସନିକ ଅବହେଳାର ଶିକାର ହୋଇଥିବା ଦେଖିବାକୁ ମିଳିଛି।
ପଲିଥିନ ତଳେ ବିତୁଛି ବୃଦ୍ଧାଙ୍କ ଜୀବନ, ପଙ୍ଗୁ ପାଲଟିଛି ପ୍ରଶାସନ
ଏକ ୧୦ ଫୁଟ ବିଶିଷ୍ଟ ପଲିଥିନ ତଳେ ବୁଲି ବେୱାଙ୍କ ଜୀବନ ବିତୁଥିବାବେଳେ ପ୍ରଶାସନର ନଜର ଆଢୁଆଳରେ ତାଙ୍କ ଦୁଃଖ ଚାପି ହୋଇଯାଇଛି। ପ୍ରାୟ ୩୦ ବର୍ଷ ପୂର୍ବରୁ ସ୍ବାମୀଙ୍କୁ ହରାଇ ବେସାହାରା ହୋଇପଡ଼ିଥିବା ବୁଲି ବହୁ ଦୁଃଖ କଷ୍ଟରେ ୨ ପିଲାକୁ ବଢ଼ାଇ ଥିଲେ। ପରିବାରରେ ସବୁକିଛି ଠିକଠାକ ଚାଲିଥିବାବେଳେ ରୋଜଗାରିଆ ପୁଅ ଆରପାରିକୁ ଚାଲିଗଲା। ଦୁଇ ଝିଅଙ୍କୁ ମାଗିଯାଚି ବିବାହ କରାଇବା ପରେ ବୁଲି ବେୱା ଏବେ ବେସାହାରା ହୋଇ ପଡିଛନ୍ତି ।