ପୋଖରୀ ହୁଡ଼ାରୁ ବୃଦ୍ଧ ଦମ୍ପତିଙ୍କ ମୃତଦେହ ଉଦ୍ଧାର, ଆତ୍ମହତ୍ୟା ସନ୍ଦେହ

ବାଲେଶ୍ୱର ଜିଲ୍ଲା ଭୋଗରାଇ ଥାନା ଅଧିନ ଫୁଲବଣି ଗ୍ରାମର ପୋଖରୀ ହୁଡ଼ାରୁ ବୃଦ୍ଧ ଦମ୍ପତିଙ୍କ ମୃତଦେହ ଉଦ୍ଧାର ହୋଇଛି । ଅଧିକ ପଢନ୍ତୁ...

ବାଲେଶ୍ୱର:ଜିଲ୍ଲାର ଭୋଗରାଇ ଥାନା ଅଧିନ ଫୁଲବଣି ଗ୍ରାମର ପୋଖରୀ ହୁଡ଼ାରୁ ବୃଦ୍ଧ ଦମ୍ପତିଙ୍କ ମୃତଦେହ ଉଦ୍ଧାର ହୋଇଛି । ଦମ୍ପତି ଜଣଙ୍କ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି ।

ସୂଚନାଅନୁସାରେ, ଉକ୍ତ ଗ୍ରାମର କାହ୍ନୁ ମଣ୍ଡଳ ଓ ତାଙ୍କ ସ୍ତ୍ରୀ ଶାନ୍ତି ସକାଳେ କାମ କରିବାକୁ ଯାଉଥିବା ଲୋକମାନେ ଦେଖିଥିଲେ । ପରବର୍ତ୍ତୀ ସମୟରେ ପୋଖରୀ ହୁଡା ନିକଟରେ ତାଙ୍କ ମୃତଦେହ ପଡିଥିବା ଦେଖିବାକୁ ପାଇଥିଲେ ଗ୍ରାମବାସୀ । ଏହା ପରେ ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ଘରୋଇ କଳିରୁ ଦମ୍ପତି ବିଷ ପିଇ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ତେବେ ପରିଣତ ବୟସରେ ଦମ୍ପତି ଜଣଙ୍କ ଏପରି ନିଷ୍ପତ୍ତି ଚର୍ଚ୍ଚାର ବିଷୟ ହୋଇଛି ।

ବାଲେଶ୍ୱରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ