ବାଲେଶ୍ବର: ବିଜ୍ଞାନର ଆଲୋକରେ ବିଶ୍ବ ଆଲୋକିତ ହେଉଥିବା ବେଳେ ଅନ୍ଧବିଶ୍ବାସର ଶିକାର ହୋଇଛି ଜଣେ ନାବାଳକ । ଭୂତ ମାଡି ବସିବା କହି ଗୁଣିଆ ନାବାଳକଟିକୁ ମାଡ଼ ମାରିଥିବା ଦେଖିବାକୁ ମିଳିଛି। ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଅନ୍ଧ ବିଶ୍ବାସର ବନ୍ଧନରେ ପରିବାର, ଶିଶୁ ପାଇଲା ନିସ୍ତୁକ ମାଡ
ଏମିତି ଘଟଣା ଘଟିଛି ବାଲେଶ୍ବର ଜିଲ୍ଲା କମର୍ଦ୍ଦା ଥାନା ଅଧୀନ ରାଣୀଗୁଡା ଗ୍ରାମରେ। ମହାଗବ ଗ୍ରାମର ଜୈନିକ 10 ବର୍ଷୀୟ ନାବାଳକର ଦେହ ଅସୁସ୍ଥ ହୋଇପଡିଥିଲା । ପରିବାର ଲୋକେ ଡାକ୍ତରଖାନା ନେବା ବଦଳରେ ଅନ୍ଧବିଶ୍ବାସର ବଶବର୍ତ୍ତୀ ହୋଇ ରାଣୀଗୁଡା ଗ୍ରାମର ଜଣେ ଗୁଣିଆ ପାଖକୁ ନେଇ ପୁଅର ଚିକିତ୍ସା କରାଇଥିଲେ।