ବାଲେଶ୍ଵର: ଜିଲ୍ଲାର ଜଳେଶ୍ଵର ବଡ଼ବଜାରରେ ଥିବା ସରସ୍ବତୀ ଶିଶୁ ବିଦ୍ୟା ମନ୍ଦିରର ଅଷ୍ଟମ ଶ୍ରେଣୀର ଛାତ୍ର ନିଖୋଜ ହେବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଦେଇଛି । ନିଖୋଜ ଛାତ୍ର ଜଣକ ହେଲେ ଗୋବିନ୍ଦ ଦାସ । ସେ ଗତକାଲି(ରବିବାର) ସକାଳ ୬ଟା ସମୟରୁ ହଷ୍ଟେଲରୁ ନିଖୋଜ ଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସମସ୍ତ ସ୍ଥାନରେ ଖୋଜାଖୋଜି କରିବା ପରେ ଗୋବିନ୍ଦ ନମିଳିବାରୁ ସ୍କୁଲ କର୍ତ୍ତୃପକ୍ଷ ପିଲାର ପରିବାରକୁ ଖବର ଦେଇ ଥାନାରେ ଲିଖିତ ଅଭିଯୋଗ କରିଥିଲେ । ଏହାପରେ ହଷ୍ଟେଲରେ ଲାଗିଥିବା ସିସିଟିଭି ଫୁଟେଜରେ ଦେଖିବାକୁ ମିଳିଥିଲାଯେ, ଛାତ୍ରଜଣଙ୍କ ଭୋର ୫ଟା ସମୟରେ ବାଡ଼ ଡେଇଁ କୁଆଡେ ପଳାଇ ଯାଇଛି ।