ବାଲେଶ୍ଵର: ଜଙ୍ଗଲରୁ ଉଦ୍ଧାର ହେଲା ଛାତ୍ରୀଙ୍କ ଝୁଲନ୍ତା ମୃତଦେହ । ବାଲେଶ୍ଵର ଜିଲ୍ଲା ନିଳଗିରି ଉପଖଣ୍ଡର ଜଣେ +2 ଛାତ୍ରୀଙ୍କ ଝୁଲନ୍ତା ମୃତଦେହ ଜଙ୍ଗଲ ଭିତରେ ଦେଖିବାକୁ ମିଳିଛି । ତେବେ ଏହା ହତ୍ୟା ନା ଆତ୍ମହତ୍ୟା ତାହା ସନ୍ଦେହ ଘେରରେ ରହିଛି।
ଭିଡିଓ ସୌଜନ୍ୟ:ସମ୍ବାଦଦାତା, ବାଲେଶ୍ୱର
ସୂଚନା ଅନୁଯାଇ, ଛାତ୍ରୀ ଜଣକ ହେଲେ କେ.ସି.ପୁର ପଞ୍ଚାୟତ ତରତରି ଗ୍ରାମର କାଳନ୍ଦ୍ରୀ ମାରାଣ୍ଡିଙ୍କ ଝିଅ ରଶ୍ମି ମାରାଣ୍ଡି । ଗତ ଜୁନ 15 ତାରିଖରୁ ଝିଅ ନିଖୋଜ ଥିବାନେଇ ବରହମପୁର ଥାନାରେ ଅଭିଯୋଗ ହୋଇଥିଲା। ତେବେ ମଙ୍ଗଳବାର ଅପରାହ୍ନରେ କାଳବୈଶାଖୀ ପବନରେ ଜଙ୍ଗଲରୁ ଦୁର୍ଗନ୍ଧ ଆସିବାରୁ ସ୍ଥାନୀୟ ବାସିନ୍ଦା ଜଙ୍ଗଲକୁ ଯାଇଥିଲେ । ସେଠାରେ ଜଣେ ଝିଅର ଝୁଲନ୍ତା ମୃତଦେହ ଦେଖି ପୋଲିସକୁ ଖବର ଦେଇଥିଲେ।