ଶାରୀଶୁଆ ପାହାଡ଼ରେ ଏସଟିଏଫ ଚଢ଼ାଉ, 5 ଖଣି ମାଫିଆ ଗିରଫ

ଖଇରା ଥାନା ଅନ୍ତର୍ଗତ ଶାରୀଶୁଆ ଖଣିରେ ଏସଟିଏଫ ଟିମ୍‌ର ଚଢ଼ାଉ କରି 5 ଜଣ ଖଣି ମାଫିଆଙ୍କୁ ଗିରଫ କରିଛି । ଏଥିସହ 2ଟି ଟ୍ରାକ୍ଟର ଜବତ କରିଛି । ଶାରୀଶୁଆ ପାହାଡରେ 144 ଧାରା ଲାଗୁ ସେଠାରେ ବେଆଇନ ପଥର ଖୋଦେଇ ଓ ବ୍ଲାଷ୍ଟିଂ ଚାଲୁଥିବା ନେଇ ଅଭିଯୋଗ ହୋଇଥିଲା ।

ବାଲେଶ୍ବର: ଖଇରା ଥାନା ଅନ୍ତର୍ଗତ ଶାରୀଶୁଆ ଖଣିରେ ଏସଟିଏଫ ଟିମ୍‌ର ଚଢ଼ାଉ । ଚଢାଉ ବେଳେ ଟିମ୍‌ 5 ଜଣ ଖଣି ମାଫିଆଙ୍କୁ ଗିରଫ କରିବା ସହ 2ଟି ଟ୍ରାକ୍ଟର ଜବତ କରିଛି ।

ଖଇରା ତହସିଲର ଶାରୀଶୁଆ ପାହାଡରେ 144 ଧାରା ଲାଗୁ ହୋଇଥିବା ବିଭିନ୍ନ ଖଣିରେ ବେଆଇନ ଭାବେ ପଥର ଖୋଦେଇ ଓ ବ୍ଲାଷ୍ଟିଂ ଚାଲୁଥିବା ଅଭିଯୋଗ ହୋଇଥିଲା । ରାତି ଅଧିଆ ଖଣି ମାଫିଆମାନେ ସ୍ଥାନୀୟ ପ୍ରଶାସନକୁ ହାତ କରି ପଥର ଚୋରା ଚାଲାଣ କରୁଥିଲେ। ଯାହାର ଖବର ଏସଟିଏଫ ପାଖରେ ପହଞ୍ଚିଥିଲା । ଶନିବାର ରାତିରେ ଏସଟିଫ ଟିମ ଖଣି ଅଞ୍ଚଳରେ ଲୁଚି ରହିଥିବା ବେଳେ ପ୍ରଥମେ 77ନଂ ଓ ବିଭିନ୍ନ ଖଣିରେ ବ୍ଲାଷ୍ଟିଂ ଆରମ୍ଭ ହୋଇଥିଲା । ଖଣି ଖୋଳା ଆରମ୍ଭ ହେବା ମାତ୍ରେ ଏସଟିଏଫ ଟିମ 5 ଜଣ ଖଣି ମାଫିଆଙ୍କୁ ଗିରଫ କରିଥିଲା । ଏହାସହ 2ଟି ଟ୍ରାକ୍ଟର ଜବତ କରିଥିଲା । ସକାଳେ ଖଇରା ତହସିଲଦାର ପ୍ରଦୀପ ସାହୁ ଓ ଖଇରା ଥାନା ଆଇଆଇସି ସୁବ୍ରତ ବେହେରା ଚଢ଼ାଉରେ ସାମିଲ ହୋଇଥିବା ଜଣାପଡିଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ