ସିରିଜ ଏଟିଏମ ଲୁଟ, ପୋଲିସର କାର୍ଯ୍ୟଦକ୍ଷତା ଉପରେ ପ୍ରଶ୍ନ

ବୁଧବାର ବିଳମ୍ବିତ ରାତିରେ ବାଗୁଡି ଓ ପାଖର ବଜାରରେ ଥିବା ଦୁଇଟି ଏଟିଏମ ଲୁଟ ହୋଇଥିବା ଘଟଣା ସାମ୍ନାକୁ ଆସିଛି । ଦୁର୍ବୃତ୍ତମାନେ ଗ୍ୟାସ କଟର ଦ୍ବାରା ମେସିନ କାଟି ଲକ୍ଷାଧିକ ଟଙ୍କା ଲୁଟ କରିଥିବା ଜଣାପଡ଼ିଛି ।

ବାଲେଶ୍ଵର: ଜିଲ୍ଲାର ସୋର ଥାନା ଅଞ୍ଚଳରେ ବୃଦ୍ଧି ପାଉଛି ଅପରାଧିକ କାର୍ଯ୍ୟକଳାପ । କେତେବେଳେ ଡକାୟତି ତ ପୁଣି କେତେବେଳେ ଛିନତାଇ ଘଟଣା ସାମ୍ନାକୁ ଆସୁଛି । ସେହିପରି ବୁଧବାର ବିଳମ୍ବିତ ରାତିରେ ବାଗୁଡି ଓ ପାଖର ବଜାରରେ ଥିବା ଦୁଇଟି ଏଟିଏମ ଲୁଟ ହୋଇଥିବା ଘଟଣା ସାମ୍ନାକୁ ଆସିଛି ।

ଦୁର୍ବୃତ୍ତମାନେ ଗ୍ୟାସ କଟର ଦ୍ବାରା ମେସିନ କାଟି ଲକ୍ଷାଧିକ ଟଙ୍କା ଲୁଟ କରିଥିବା ଜଣାପଡ଼ିଛି । ଉଭୟ ସ୍ଥାନରେ ପୋଲିସ ପହଞ୍ଚି ତଦନ୍ତ କରୁଛି । ତେବେ ସୋର ପୋଲିସର ହାଲୁକା କାର୍ଯ୍ୟଧାରା ଓ ରାତ୍ରିକାଳୀନ ପେଟ୍ରୋଲିଂ କଡ଼ାକଡ଼ି ହେଉନଥିବା ଯୋଗୁଁ ଏମିତି ଘଟଣା ଘଟୁଥିବା ଅଭିଯୋଗ ହେଉଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ