ବାଲେଶ୍ବର:ଜିଲ୍ଲାର ଜଳେଶ୍ବର ଅଞ୍ଚଳରେ ପୋଲିସ ଓ ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ବିପୁଳ ପରିମାଣର ବ୍ରାଉନ ସୁଗାର ଜବତ କରାଯାଇଛି। ସୂଚନା ଅନୁସାରେ, ଜଳେଶ୍ବର ପୋଲିସ ଓ ଅବକାରୀ ବିଭାଗର 35 ଜଣିଆ ସ୍ୱତନ୍ତ୍ର ଟିମ ଝାଡେଶ୍ବରପୁର ଅଞ୍ଚଳର ଡାଇମଣ୍ଡ ହୋଟେଲ ନିକଟରେ ଚଢାଉ କରିଥିଲେ।
ଅଢେଇ କୋଟି ଟଙ୍କାର ବ୍ରାଉନସୁଗର ଜବତ, 3 ଗିରଫ
ତେବେ ଚଢାଉ ସମୟରେ ପ୍ରାୟ 2 କେଜି 720 ଗ୍ରାମ କେଜି ବ୍ରାଉନ ସୁଗାର ଜବତ ସହ ତିନି ଜଣଙ୍କୁ ଗିରଫ କରିଛି ଟିମ। ଯାହାର ଆନୁମାନିକ ମୂଲ୍ୟ ପ୍ରାୟ ୨ କୋଟି 72 ଲକ୍ଷ ଟଙ୍କା ହେବ ବୋଲି ସୂଚନା ରହିଛି। ଗିରଫ ମଧ୍ୟରୁ ଦୁଇ ଜଣ ମହିଳା ଓ ଜଣେ ଯୁବକ ଅଛନ୍ତି। ଯୁବକଙ୍କୁ ବାଲେଶ୍ବର ଜିଲ୍ଲା ବାହାଵଳପୁର ଅଞ୍ଚଳର ମୁକ୍ତାର ଅଲ୍ଲୀ ବୋଲି ଜଣା ପଡିଛି।