ବାଲେଶ୍ବର:ଟାଟା ପାଓ୍ବାର ବିରୋଧରେ ଆନ୍ଦୋଳନ । ଜିଲ୍ଲା କଂଗ୍ରେସ, ରାଷ୍ଟ୍ରୀୟ ମଜଦୁର କଂଗ୍ରେସ ଓ ଓଡ଼ିଶା ପାୱାର ସେକ୍ଟର ଟେକ୍ନିକାଲ କର୍ମଚାରୀ ସଂଘ ପକ୍ଷରୁ ଏହି ଆନ୍ଦୋଳନ କରାଯାଇଛି । ଏନେଇ ଜାନୁଗଞ୍ଜ ଗୋଳେଇ ଟାଟା ପାୱାର କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯାଇଛି ।
ବିଭିନ୍ନ ଦାବି ନେଇ ଟାଟା ପାୱାର ସମ୍ମୁଖରେ ଆନ୍ଦୋଳନ
ଅଘୋଷିତ ବିଦ୍ୟୁତ କାଟ ସହ ଖରାପ ମିଟର ବଦଳାଇବା ନାଁରେ ଜୁଲମ କରି ଜୋରିମାନା ଆଦାୟ କରାଯାଉଥିବା ଅଭିଯୋଗ ଆଣି ଏହି ଆନ୍ଦୋଳନ କରାଯାଇଛି । ସେହିପରି ଦୀର୍ଘ ୧୪/୧୫ ବର୍ଷ ଧରି ନେସ୍କୋରେ କାର୍ଯ୍ୟରତ ଥିବା ଠିକା ଶ୍ରମିକଙ୍କୁ ସ୍ଥାୟୀ ନିଯୁକ୍ତି ସହିତ ବିଦ୍ୟୁତ୍ ଆଘାତରେ ମୃତ୍ୟୁବରଣ କରୁଥିବା କର୍ମଚାରୀଙ୍କ ସମ୍ପର୍କୀୟଙ୍କୁ ସ୍ଥାୟୀ ନିଯୁକ୍ତି ଦେବାକୁ ଦାବି ହୋଇଛି ।