ବାଲେଶ୍ବର: ଜିଲ୍ଲାର ବସ୍ତା ବ୍ଲକ ସନ୍ତୋଷପୁର ଭେଲୋରୋ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ସ୍ଥାୟୀ ଡାକ୍ତର ନିଯୁକ୍ତି ଦାବିରେ ଜୀବନ ସାଥୀ ସ୍ବେଚ୍ଛାସେବୀ ସଂଗଠନ ଆମରଣ ଅନଶନରେ ବସିଥିଲା । ଦାବି ପୂରଣ ପାଇଁ ପ୍ରତିଶ୍ରୁତି ଦେବା ପରେ ଶୁକ୍ରବାର ଅନଶନ ପ୍ରତ୍ୟାହୃତ ହୋଇଛି ।
ଡାକ୍ତର ନିଯୁକ୍ତି ଦାବିରେ ଆମରଣ ଅନଶନ
ସୂଚନାଅନୁସାରେ,ସନ୍ତୋଷପୁର ଭେଲୋରୋ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ଉପରେ ପ୍ରାୟ 40 ହଜାରରୁ ଅଧିକ ଲୋକ ନିର୍ଭର କରନ୍ତି । ହେଲେ ଡାକ୍ତର ନଥିବାରୁ ସାମାନ୍ୟ ରୋଗର ଚିକିତ୍ସା ପାଇଁ ଲୋକଙ୍କୁ ଦୂର ଦୂରାନ୍ତକୁ ଯିବାକୁ ପଡୁଛି । ପ୍ରାୟ 10 ବର୍ଷ ହେବ ମେଡିକାଲରେ ସ୍ଥାୟୀ ଡାକ୍ତର ନଥିବାରୁ ରୋଗୀମାନେ ଚିକିତ୍ସା ସୁବିଧାରୁ ବଞ୍ଚିତ ହେଉଛନ୍ତି।