ବାଲେଶ୍ବର: ତୀର୍ଥଯାତ୍ରୀ ବସ ଦୁର୍ଘଟଣାଗ୍ରସ୍ତ । ସେରଗଡ଼ ଟୋଲଗେଟ ନିକଟରେ ଏକ ତୀର୍ଥଯାତ୍ରୀ ବସ ଦୁର୍ଘଟଣାଗ୍ରସ୍ତ ହୋଇଥିବାବେଳେ 30 ଜଣ ଆହତ ହୋଇଛନ୍ତି । ଘଟଣା ସ୍ଥଳରେ ଖନ୍ତାପଡା ପୋଲିସ ପହଞ୍ଚି ଆହତଙ୍କୁ ଉଦ୍ଧାର କରିଛି ।
ସୂଚନା ଅନୁଯାୟୀ, ପଶ୍ଚିମବଙ୍ଗ ହୁଗୁଳି ଅଞ୍ଚଳରୁ ଗୀତାଞ୍ଜଳି ନାମକ ଏକ ବସରେ 70 ଜଣ ଯାତ୍ରୀ ପୁରୀ ଅଭିମୁଖେ ବାହାରିଥିଲେ। ଭୋର ସାଢ଼େ 4 ଟା ପାଖାପାଖି ଖନ୍ତାପଡା ଥାନା ଅନ୍ତର୍ଗତ ସେରଗଡ଼ ଟୋଲ ଗେଟ ନିକଟ ମେଘା ପେଟ୍ରୋଲ ପମ୍ପ ସାମ୍ନାରେ ବସଟି ଏକ ଚଳନ୍ତା ଟ୍ରକ ପଛକୁ ଧକ୍କା ଦେଇଥିଲା। ଏହା ଫଳରେ ଯାତ୍ରୀମାନେ ବସ ଭିତରେ ଚାପି ହୋଇ ରହିଥିଲେ। ବସ କାଚ ଭାଙ୍ଗି ଯାତ୍ରୀଙ୍କୁ ଉଦ୍ଧାର କରାଯାଇଥିଲା।
ବାଲେଶ୍ବର ତୀର୍ଥଯାତ୍ରୀ ବସ ଦୁର୍ଘଟଣାଗ୍ରସ୍ତ, 30 ଆହତ