ଭିନ୍ନକ୍ଷମ ଯୁବତୀଙ୍କୁ ଦୁଷ୍କର୍ମ ଅଭିଯୋଗ

ଦିନକୁ ଦିନ ମରିଯାଉଛି ମାନବିକତା । ଭିନ୍ନକ୍ଷମ ଦୁଷ୍କର୍ମ ଯୁବତୀଙ୍କୁ ଦୁଷ୍କର୍ମ ହୋଇଥିବା ନେଇ ଅଭିଯୋଗ ହୋଇଛି ।

ବାଲେଶ୍ବର: ସୀମା ଲଙ୍ଘୁଛି ବର୍ବରତା । ଦିନକୁ ଦିନ ବଢିବାରେ ଲାଗିଛି ଦୁଷ୍କର୍ମ ମାମଲା । ପୁଣି ଜଣେ ଭିନ୍ନକ୍ଷମ ଯୁବତୀଙ୍କୁ ଦୁଷ୍କର୍ମ ହୋଇଥିବା ଅଭିଯୋଗ ଆସିଛି ବାଲେଶ୍ବର ଜିଲ୍ଲା ନୀଳଗିରିରୁ ।

ମା’ କାମକୁ ଯାଇଥିବାବେଳେ ଘରେ ପଶି ଦୂର ସମ୍ପର୍କୀୟ ଭାଇ ଭିନ୍ନକ୍ଷମ ଯୁବତୀଙ୍କୁ ଦୁଷ୍କର୍ମ କରିଛନ୍ତି । ପିଡୀତାଙ୍କ ମା’ ଏନେଇ ଥାନାରେ ଆଣିଛନ୍ତି ଅଭିଯୋଗ । ତେବେ ଅଭିଯୁକ୍ତ ଫେରାର ଥିବାବେଳେ ନୀଳଗିରି ପୋଲିସ 179/19ରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।

ପୂର୍ବରୁ ମଧ୍ୟ ଅଭିଯୁକ୍ତ ଏଭଳି ଦୁଷ୍କର୍ମ କରିଥିଲା । କିନ୍ତୁ ଏହାର ସମାଧାନ ଗାଁରେ ହୋଇଥିଲା । କିନ୍ତୁ ଏବେ ପୁଣି ଏହା ଘଟିବା ପରେ ଥାନାରେ ଦ୍ବାରସ୍ଥ ହୋଇଛନ୍ତି ମା’ ଝିଅ ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ