ବାଲେଶ୍ବର: ବାଇକକୁ ସାମ୍ନା ପଟୁ ଧକ୍କା ଦେଲା ମାଛ ବୋଝେଇ ପିକଅପ୍ ଭ୍ୟାନ । ଘଟଣାରେ ସ୍ଥଳରେ ଜଣେ ପ୍ରାଣ ହରାଇଥିବା ବେଳେ ଅନ୍ୟଜଣକ ଗୁରୁତର ଆହତ ହୋଇଛନ୍ତି । ବାଲେଶ୍ବର ଜିଲ୍ଲା ଖନ୍ତାପଡା ଥାନା ଅଧିନସ୍ଥ ସାହାସପୁର ଛକ ନିକଟରେ ଘଟିଛି ଏହି ମର୍ମନ୍ତୁଦ ଦୁର୍ଘଟଣା । ଦୁର୍ଘଟଣା ଏତେ ଭୟଙ୍କର ଥିଲା ଯୁବକଙ୍କ ଶରୀରରୁ ମୁଣ୍ଡ ଅଲଗା ହୋଇଯାଇଛି ।
ମୃତକ ଜଣକ ସୋର ଥାନା ଅଧିନସ୍ଥ ଥାଲସଡା ଗାଁର ରମେଶ ଜେନା ବୋଲି ଜଣାପଡିଛି । ଆହତ ଜଣକ ହେଲେ ସେହି ଗାଁର ଅଜୟ ମଳିକ । ସୂଚନା ଅନୁସାରେ, ଉଭୟେ ଏକ ବାଇକ ଯୋଗେ ଅଞ୍ଜି ବଜାର ଆଡକୁ ଯାଉଥିଲେ । ହେଲେ ବାଲେଶ୍ବର ଅଭିମୁଖେ ଦ୍ରୃତଗତିରେ ଆସୁଥିବା ଏକ ମାଛ ବୋଝେଇ ପିକ୍ଅପ୍ ଭ୍ୟାନ ସାମ୍ନା ପଟୁ ବାଇକକୁ ଧକ୍କା ଦେଇଥିଲା । ତେବେ ଆହତ ଯୁବକଙ୍କୁ ସ୍ଥାନୀୟ ଲୋକେ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିବା ବେଳେ ଘଟଣାସ୍ଥଳରେ ଚାପା ଉତ୍ତେଜନା ଦେଖାଦେଇଛି । ଉତ୍ୟକ୍ତ ଲୋକେ ରାସ୍ତା ରୋକ୍ କରିଛନ୍ତି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ