ବାଲେଶ୍ବର: ବାଲିଆପାଳ ଥାନା କଟ୍ରାମହଲ ଅଞ୍ଚଳରେ ଗୋଷ୍ଠୀ ସଂଘର୍ଷ । ଘଟଣାରେ ଜଣଙ୍କର ମୃତ୍ୟୁ ହୋଇଥିବାବେଳେ 7ଜଣଙ୍କର ଆହତ ହୋଇଛନ୍ତି । ମୃତକ ହେଲେ ଉକ୍ତ ଗାଁର ରାମଚନ୍ଦ୍ର ଗିରି । ସରକାରୀ ସ୍କୁଲ ପରିସରରେ ବ୍ୟକ୍ତିଗତ ଗୃହ ନିର୍ମାଣକୁ ନେଇ ଦେଖାଦେଇଥିଲା ଗୋଷ୍ଠୀ ସଂଘର୍ଷ ।
ସୂଚନାଯୋଗ୍ୟ, ଉକ୍ତ ଅଞ୍ଚଳର ଭାନୁ ଚରଣ ଦଳେଇ ନାମକ ଜୋରଜବରଦସ୍ତ କରି ସ୍କୁଲ ପରିସରରେ ଗୃହ ନିର୍ମାଣ କରୁଥିଲେ । ଯାହାକୁ ନେଇ ଗ୍ରାମବାସୀ ଏକଜୁଟ ହେବା ସହ ପ୍ରତିବାଦ କରିଥିଲେ । କିନ୍ତୁ ସେପଟେ, ପୂର୍ବରୁ ପ୍ରସ୍ତୁତ ଥିବା ଭାନୁ ଦଳେଇଙ୍କ ପରିବାର ଲୋକେ ଗ୍ରାମବାସୀଙ୍କ ଉପରକୁ ଲଙ୍କା ପାଣି ଫିଙ୍ଗିବା ସହ ମରଣାସ୍ତ୍ରରେ ଆକ୍ରମଣ କରିଥିଲେ । ତେବେ, ସମସ୍ତ ଆହତଙ୍କୁ ସ୍ଥାନୀୟ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
