ବାଲେଶ୍ବର: ସୁଦୁର ଚେନ୍ନାଇରୁ ଆସିଛି ଓଡ଼ିଆ ଯୁବକଙ୍କ ମୃତ୍ୟୁ ଖବର । ଯାହାଫଳରେ ଅଧାରେ ଅଟଯାଇଛି ଗୃହ ପ୍ରବେଶ ସହିତ ସାଦ ଖିଆ । ଏହି ଖବର ପାଇବା ପରେ ଗ୍ରାମରେ ଏକ ପ୍ରକାର ଶୋକାକୁଳ ପରିବେଶ ସୃଷ୍ଟି ହୋଇଛି।
ତେବେ ଜଳେଶ୍ୱର ଥାନା ଖୁଲୁଡା ଗ୍ରାମର ଲମ୍ବୋଦର ଜେନା(35)। ଯିଏକି 14 ବର୍ଷରୁ ସୁଦୁର ଚେନ୍ନାଇରେ ଥିବା L&T କମ୍ପାନୀରେ କାମ କରିଆସୁଥିଲେ। ଗତକାଲି କମ୍ପାନୀରୁ କାମ ସାରି ରୁମକୁ ଫେରୁଥିବା ସମୟରେ ସଡକ ଦୁର୍ଘଟଣା ତାଙ୍କର ମୃତ୍ୟୁ ହୋଇଛି ।
ସୂଚନା ଅନୁଯାୟୀ, ପାଠ ପଢା ବୟସରେ ଅର୍ଥ ଅଭାବରୁ ମେଟ୍ରିକ ପରୀକ୍ଷା ପରେ କାମ ଧନ୍ଦା ଖୋଜି ଚେନ୍ନାଇ ଯାଇଥିଲେ ଲମ୍ବୋଦର। ପରେ ସେଠାରେ L&T କମ୍ପାନୀରେ କାମ କରିବା ସହିତ ଆଇ.ଟି.ଆଇ କରି କମ୍ପାନୀର ସୁପର ଭାଇଜର ଭାବେ କାମ କରୁଥିଲେ। ଗତ ଦୁଇ ବର୍ଷ ତଳେ ତାଙ୍କର ବିବାହ ମଧ୍ୟ ହୋଇଥିଲା।
ବର୍ତ୍ତମାନ ମୃତ ଲମ୍ବୋଦରର ସ୍ତ୍ରୀ ସାତ ମାସର ଗର୍ଭବତୀ ଥିବାରୁ ଚଳିତ ମାସ ୧୩ ତାରିଖରେ ଶ୍ୱଶୁର ଘରେ ଛାଡ଼ି ଦେଇ ଯାଇଥିଲେ। ଆସନ୍ତା ୫ ତାରିଖରେ ନୂତନ ଗୃହ ପ୍ରବେଶ ସହିତ ସାଦଖିଆ କାର୍ଯ୍ୟକ୍ରମ ଥିଲା।
ଏନେଇ ଆସନ୍ତା ୩ ତାରିଖରେ ଘରକୁ ଆସିଥାନ୍ତେ ଲମ୍ବୋଦର । ତେବେ ଘରକୁ ସେ ଆସିବା ପରିବର୍ତ୍ତେ ତାଙ୍କ ମୃତଦେହ ଘରକୁ ଆସୁଛି। ମୃତ ଖବର ପାଇବା ପରେ ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି।
ବାଲେଶ୍ୱରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
