ବାଲେଶ୍ବର: ବାଲେଶ୍ଵର ନୋସି ବିଜିନେସ ପାର୍କ ଉତ୍ତର ଓଡ଼ିଶାର ଶିଳ୍ପ ପ୍ରତିଷ୍ଠାକୁ ନେଇ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଛି। ମୁଖ୍ୟମନ୍ତ୍ରୀଙ୍କ ପ୍ରମୁଖ ପରାମର୍ଶଦାତା ଅସିତ ତ୍ରିପାଠୀଙ୍କ ଅଧ୍ୟକ୍ଷତାରେ ଏହି ବୈଠକ କରାଯାଇଥିଲା। ଏଥିରେ ବିଶେଷ କରି ବାଲେଶ୍ଵର, ଭଦ୍ରକ ଓ ମୟୁରଭଞ୍ଜ ଜିଲ୍ଲାର ଶିଳ୍ପ ଅଗ୍ରଗତି ଉପରେ ସମୀକ୍ଷା କରାଯାଇଛି।
ଅସିତ ତ୍ରିପାଠୀଙ୍କ ସମୀକ୍ଷା ବୈଠକ, ଉତ୍ତର ଓଡ଼ିଶାର ଶିଳ୍ପ ପ୍ରତିଷ୍ଠାକୁ ଗୁରୁତ୍ୱ
ଏହି କାର୍ଯ୍ୟକ୍ରମରେ ତିନୋଟି ଜିଲ୍ଲାରୁ ପ୍ରାୟ 100 ଜଣ ଉଦ୍ୟୋଗୀ ଯୋଗ ଦେଇଥିଲେ। ଉଦ୍ୟୋଗୀମାନେ ଶିଳ୍ପ ପ୍ରତିଷ୍ଠା ଓ ଏହାକୁ ସୁରୁଖୁରୁରେ ଚଳାଇବା ପାଇଁ ଦେଖା ଦେଉଥିବା ବିଭିନ୍ନ ସମସ୍ୟା ଉପସ୍ଥାପନ କରିଥିଲେ। ସେସବୁର ତୁରନ୍ତ ସମାଧାନ କରିବା ଦିଗରେ ଆଲୋଚନା ହୋଇଥିଲା। ନୂଆ ଉଦ୍ୟୋଗୀମାନଙ୍କୁ କିଭଳି ସମସ୍ତ ସୁବିଧା ଯୋଗାଇ ଦିଆଯିବ ସେନେଇ ପ୍ରତି ଜିଲ୍ଲାରେ ତାର ବ୍ୟବସ୍ଥା କରାଯିବ ବୋଲି କହିଥିଲେ ଅସିତ ତ୍ରିପାଠୀ।