ନାଳରୁ ନବଜାତ ଶିଶୁର ମୃତଦେହ ଉଦ୍ଧାର

ବାଲେଶ୍ଵର ଜିଲ୍ଲା ଖଇରା ମେଡ଼ିକାଲ ପଛରେ ଥିବା ଏକ ଡ୍ରେନରୁ ଉଦ୍ଧାର ହେଲା ନବଜାତ ଶିଶୁର ମୃତଦେହ ।

ବାଲେଶ୍ଵର: ଜିଲ୍ଲା ଖଇରା ମେଡ଼ିକାଲ ପଛରେ ଥିବା ଡ୍ରେନରୁ ଉଦ୍ଧାର ହେଲା ନବଜାତ ଶିଶୁର ମୃତଦେହ । ଶିଶୁଟି ଏହି ନାଳରେ ଭାସୁଥିବା ଦେଖିବାକୁ ମିଳିଛି । ତେବେ ଛୁଆଟି କାହାର କିପରି ଏଠାକୁ ଆସିଲା ଜଣାପଡିନାହିଁ ।

ଗୁରୁବାର ଲୋକେ ଶିଶୁଟିକୁ ଭାସୁଥିବା ଦେଖି ଖଇରା ପୋଲିସକୁ ଖବର ଦେଇଥିଲେ। ଖଇରା ପୋଲିସ ଘଟଣାସ୍ଥଳରେ ପହଞ୍ଚି ମୃତ ଶିଶୁଟିକୁ ଉଦ୍ଧାର କରିଛି। ତେବେ କେଉଁ ପରିସ୍ଥିତିରେ ଶିଶୁଟି ମେଡିକାଲ ପଛପଟ ନାଳରେ ପଡ଼ିଲା ତାହା ଏବେ ବିରାଟ ପ୍ରଶ୍ନବାଚୀ। ଏ ଦିଗରେ ଉଚ୍ଚସ୍ତରୀୟ ତଦନ୍ତର ଆବଶ୍ୟକତା ରହିଛି ବୋଲି ଚର୍ଚ୍ଚା ହେଉଛି।

ବାଲେଶ୍ଵରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ