ବାଲେଶ୍ବର: ନୂଆ ଟ୍ରାଫିକ ଆଇନକୁ ନେଇ ବାଲେଶ୍ବରରେ ଚାଲିଛି ଜୋରଦାର ଚେକିଂ । ଟ୍ରାଫିକ୍ ପୋଲିସ ପକ୍ଷରୁ ଜୋରଦାର ଚେକିଂ କରାଯାଇଛି । ନିୟମ ଖିଲାପକାରୀଙ୍କୁ ଠାରୁ ପାଖିପାଖି 14 ହଜାର ଟଙ୍କା ଆଦାୟ କରାଯାଇଛି । ଏଥିପାଇଁ ଟ୍ରାଫିକ ଥାନାରେ ଲାଗିଥିଲା ପ୍ରବଳ ଭିଡ ।
ନୂଆ ଟ୍ରାଫିକ ଆଇନ ରାଜ୍ୟରେ ଲାଗୁ ହେବା ପରେ ଚେକିଂ ଜୋରଦାର କରାଯାଉଛି । ଆଇନ ଖିଲାପକାରୀଙ୍କ ଠାରୁ ମୋଟା ଅଙ୍କର ଟଙ୍କା ଫାଇନ ଆକାରରେ ଆଦାୟ କରାଯାଉଥିବାରୁ ଲୋକଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଛି । ତେଣୁ ଲୋକେ ସଚେତନ ହେବା ସହ ହେଲମେଟ ବ୍ୟବହାର କରୁଥିବା ଦେଖିବାକୁ ମିଳୁଛି । ଅନ୍ୟପଟେ ଆଗକୁ ମଧ୍ୟ ଏଭଳି ଚେକିଂ ଜାରି ରହିବ ବୋଲି ଟ୍ରାଫିକ ଥାନା ଅଧିକାରୀ କହିଛନ୍ତି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ