ବାଲେଶ୍ବର: ପୂର୍ବ ଶତ୍ରୁତାକୁ କେନ୍ଦ୍ର କରି ପରିବାର ଉପରେ ଆକ୍ରମଣ ଉଦ୍ୟମ । ଏପରି ଘଟଣା ଘଟିଛି ବାଲେଶ୍ବର ଜିଲ୍ଲା ସୋର ଥାନା ଅଞ୍ଚଳରେ । ପ୍ରତିବାଦ କରିବାରୁ ପଡୋଶୀଙ୍କୁ ଭୁଜାଲିରେ ଆକ୍ରମଣ କରିବାକୁ ପଛାଇଲେ ନାହିଁ ଦୁର୍ବୃତ୍ତ । ସମସ୍ତ ଗୁରୁତରଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
ପ୍ରତିବାଦ କରିବାରୁ ପଡୋଶୀଙ୍କୁ ଆକ୍ରମଣ
ସୂଚନାଅନୁସାରେ, ଆଟପୁର ଅଞ୍ଚଳର ଅକ୍ଷୟ ନାୟକଙ୍କ ସହିତ କିଛି ଲୋକଙ୍କ ସହିତ ପୂର୍ବରୁ ଶତ୍ରୁତା ଲାଗି ରହିଥିଲା । ରାଗ ରଖି କିଛି ଯୁବକ ଅକ୍ଷୟଙ୍କ ଘରେ ପଶି ସେମାନଙ୍କୁ ଆକ୍ରମଣ କରିବାରୁ ଉଦ୍ୟମ କରିଥିଲେ । ଏହା ପରେ ଅକ୍ଷୟଙ୍କ ପରିବାର ଘର ଭିତରେ ପଶି କବାଟ ବନ୍ଦ କରିଦେଇଥିଲେ । ଅସାମାଜିକ ଯୁବକ ତାଙ୍କ ଆଜବେଷ୍ଟ ଭାଙ୍ଗିବା ସହିତ ତାଙ୍କ ଷ୍ଟ୍ରିଟ ଲାଇଟ ଭାଙ୍ଗି ଥିଲେ । ଏ ନେଇ ସେମାନଙ୍କ ପଡୋଶୀ ପ୍ରତିବାଦ କରିବାରୁ ପଡୋଶୀଙ୍କ ଉପରକୁ ଦୁର୍ବୃତ୍ତ ଦଳ ଆକ୍ରମଣ କରିଥିଲେ ।