ବାଲେଶ୍ବର: ପୁଣି ପଦାରେ ପଡିଲା ଶିକ୍ଷା ବିଭାଗର ନଗ୍ନ ଚିତ୍ର । ସ୍କୁଲରେ ଆଗାମୀକାଲିର ଭବିଷ୍ୟତ ଝାଡୁ ଧରି ପାଇଖାନା ସଫା କଲେ । ବାଲେଶ୍ବର ଜିଲ୍ଲାର ଏହି ଘଟଣା ଏବେ ଚାରିଆଡେ ଚର୍ଚ୍ଚା ସୃଷ୍ଟି କରିଛି । ଭୋଗରାଇ ବ୍ଲକ ଗୀତଖଳା ପ୍ରାଥମିକ ଓ ଶ୍ରୀହରି ଉଚ୍ଚ ପ୍ରାଥମିକ ବିଦ୍ୟାଳୟର ଏହି ଦୃଶ୍ୟ ଏବେ ସୋସିଆଲ ମିଡିଆରେ ଘୂରିବାରେ ଲାଗିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ରାଜ୍ୟର ସମସ୍ତ ବିଦ୍ୟାଳୟମାନଙ୍କୁ ଦଣ୍ଡମୁକ୍ତ କରିବା ସହ ପ୍ରତ୍ୟେକ ପିଲାଙ୍କୁ ଶିକ୍ଷାପ୍ରଦାନ ଦିଗରେ ସରକାରଙ୍କ ପଦକ୍ଷେପକୁ ଆଖି ଠାର । ଦିନ ଦ୍ବିପ୍ରହରେ ଦେଖିବାକୁ ମିଳିଛି ଛାତ୍ରୀମାନଙ୍କ ପାଇଖାନା ସଫା କରିବା ଦୃଶ୍ୟ । ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳିଛି କି ଛାତ୍ରୀମାନଙ୍କୁ ଘଟଣା ସମ୍ପର୍କରେ ପଚାରିବାରୁ ସେମାନେ ଭୟରେ ଦୌଡି ପଳାଉଛନ୍ତି ।