ବାଲେଶ୍ବର: ସିଙ୍ଗଲା ଥାନା ସାର୍ଥା ବଜାରରେ ସିଗାରେଟ କିଣାକୁ କେନ୍ଦ୍ର କରି ଦୋକାନୀଙ୍କୁ ହତ୍ୟା କରାଯାଇଥିବା ଅଭିଯୋଗ । ହତ୍ୟାକାଣ୍ଡକୁ କେନ୍ଦ୍ରକରି ସ୍ଥାନୀୟ ଲୋକେ ରାସ୍ତାରୋକ କରିବା ସହ କ୍ଷତିପୂରଣ ଦାବି କରିଥିଲେ । ସୂଚନାନୁସାରେ, ସାର୍ଥା ବଜାରରେ ଥିବା ସୁବାଷ ପାତ୍ରଙ୍କ ପାନ ଦୋକାନକୁ ବୁଧବାର ସନ୍ଧ୍ୟାରେ ୪ ଜଣ ଦୁର୍ବୃତ୍ତ ଆସି ସିଗାରେଟ ମାଗିଥିଲେ । ସିଗାରେଟର ମୁଲଚାଲକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା । ଏହାକୁ କେନ୍ଦ୍ରକରି ଦୁର୍ବୃତ୍ତମାନେ ସୁବାଷଙ୍କୁ ଠେଙ୍ଗାରେ ମାଡ ମାରିଥିଲେ । ମେଡିକାଲ ନେବା ବାଟରେ ସୁବାଷଙ୍କ ମୃତ୍ୟୁ ହୋଇଥିଲା।
ସିଗାରେଟ କିଣାକୁ କେନ୍ଦ୍ର କରି ହତ୍ୟାକାଣ୍ଡ