ବାଲେଶ୍ଵର: ଆଜି ପବିତ୍ର ଅକ୍ଷୟ ତୃତୀୟା । ଅକ୍ଷୟ ତୃତୀୟା ଉପଲକ୍ଷେ ବାଲେଶ୍ଵରରେ ଜିଲ୍ଲାସ୍ତରୀୟ କୃଷକ ଦିବସ ପାଳିତ ହୋଇଛି । ଏହି ଅବସରରେ ମନ୍ତ୍ରୀ ଓ ବିଧାୟକମାନେ ଅଖିମୁଠି ଅନୁକୂଳ କରିଛନ୍ତି । ସଂସ୍କୃତି ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ, ସଦର ବିଧାୟକ ସ୍ବରୂପ ଦାସ ଓ ରେମୁଣା ବିଧାୟକ ସୁଧାଂଶୁ ଶେଖର ପରିଡ଼ା ପ୍ରମୁଖ କାର୍ଯ୍ୟକ୍ରମରେ ଯୋଗଦେଇ ପୂଜାର୍ଚ୍ଚନା କରିବା ପରେ କ୍ଷେତରେ ପ୍ରବେଶ କରିଥିଲେ ।
ଅଖିମୁଠି ଅନୁକୂଳ କଲେ ସଂସ୍କୃତି ମନ୍ତ୍ରୀ, ବିଲରେ ଲଙ୍ଗଳ ବୁଲାଇଲେ ବିଧାୟକ
ମନ୍ତ୍ରୀ ଜ୍ୟୋତିପ୍ରକାଶ ଅଖିମୁଠି ଅନୁକୂଳ କରିଥିଲେ । ଅନ୍ୟପଟେ ସଦର ବିଧାୟକ କ୍ଷେତରେ ଲଙ୍ଗଳ ବୁଲାଇଥିଲେ । ରାଜ୍ୟ ସରକାର କୃଷି ଓ କୃଷକମାନଙ୍କ ପାଇଁ ସ୍ବତନ୍ତ୍ର ବଜେଟ ପ୍ରସ୍ତୁତ କରି ସେମାନଙ୍କ ଉନ୍ନତି ପାଇଁ ଚିନ୍ତା କରୁଛନ୍ତି ବୋଲି କହିଥିଲେ ମନ୍ତ୍ରୀ ।