ବାଲେଶ୍ବର: ବିଭିନ୍ନ ସମୟରେ ମଧ୍ୟାହ୍ନ ଭୋଜନକୁ ନେଇ ସମସ୍ୟା ଦେଖାଦେଉଛି। ପୁଣି ବାଲେଶ୍ବର ଜିଲ୍ଲା ସ୍କୁଲରେ ମଧ୍ୟାହ୍ନ ଭୋଜନକୁ କେନ୍ଦ୍ରକରି ଅସନ୍ତୋଷ ଦେଖିବାକୁ ମିଳିଛି। ଠିକ ସମୟରେ ଖାଦ୍ୟ ଦିଆଯାଉନଥିବା ଓ ଦିଆଯାଉଥିବା ଖାଦ୍ୟ ଅତ୍ୟନ୍ତ ନିମ୍ନମାନର ବୋଲି ଅଭିଯୋଗ କରି ଛାତ୍ରଛାତ୍ରୀମାନେ ହୋହାଲ୍ଲା କରିଛନ୍ତି।
ମଧ୍ୟାହ୍ନ ଭୋଜନରେ ବ୍ୟତିକ୍ରମ,ନିମ୍ନମାନର ଖାଦ୍ୟ ପାଇଁ ଛାତ୍ରଛାତ୍ରୀଙ୍କ ହୋ-ହାଲ୍ଲା
ସ୍କୁଲର ପ୍ରଧାନ ଶିକ୍ଷକ ପିଲାମାନଙ୍କୁ ବୁଝାସୁଝା କରିବା ସହ ଘଟଣା ସମ୍ପର୍କରେ ଉପରିସ୍ଥ ଅଧିକାରୀଙ୍କୁ ଜଣାଇବେ ବୋଲି କହିଛନ୍ତି । ଅଭିଯୋଗ ଅନୁଯାୟୀ ଜିଲ୍ଲା ସ୍କୁଲରେ ଷଷ୍ଠରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ୩୪୨ ଛାତ୍ରଛାତ୍ରୀ ଅଧୟନ ଅଛନ୍ତି। ପୂର୍ବରୁ ଏହାକୁ ସ୍କୁଲରେ ପାଚିକା ଓ ସହାୟିକାଙ୍କ ଦ୍ଵାରା ପ୍ରସ୍ତୁତ କରାଯାଉଥିବା ବେଳେ ଏବେ ସେଣ୍ଟ୍ରାଲ କିଚେନରେ ପ୍ରସ୍ତୁତ ହୋଇ ଆସୁଛି।