ବାଲେଶ୍ବର: ପରିବେଶର ରକ୍ଷା ହେଲେ ଜୀବନ ରକ୍ଷା ହୋଇପାରିବ । ଆମର ଦୈନନ୍ଦିନ ଜୀବନରେ ଏହା ଏକ ଗୁରୁତ୍ବପୂର୍ଣ୍ଣ କାମ ବୋଲି କହି ପ୍ରଥମେ ଏହି କାମ କରିବା ଦରକାର ବୋଲି କହିଛନ୍ତି ବିଜୟ କୁମାର ୱାଳ କ୍ରିଷ୍ଣା । ବୟସ ସିନା ବଢିଛି ହେଲେ ଇଚ୍ଛା ଶକ୍ତି ଓ ଅଦମ୍ୟ ପ୍ରୟାସ କିନ୍ତୁ କମିନି ।
ହାପ ପ୍ୟାଣ୍ଟ, କାନ୍ଧରେ କଳା ବ୍ୟାଗ, ଦେହରେ ଗଞ୍ଜି ସହ ଗୋଟିଏ ଧଳା ଚାଦର । ନାଁ ବିଜୟ କୁମାର ୱାଳ କ୍ରିଷ୍ଣା । ଘର କେରଳ ରାଜ୍ୟର କୋଲାମ ଜିଲ୍ଲାରେ । ଏଠାରେ ନିଶ୍ଚିତ ଆପଣମାନଙ୍କ ମନରେ ପ୍ରଶ୍ନ କି ଆମେ ଏହି ବ୍ୟକ୍ତିଙ୍କ ବିଷୟରେ କାହିଁକି କହୁଛୁ । ପ୍ରକୃତରେ ଇଏ ହେଉଛନ୍ତି ଜଣେ ପରିବେଶ ପ୍ରେମୀ, ପ୍ରକୃତି ବନ୍ଧୁ । ପ୍ରକୃତିକୁ ଭଲ ପାଇଲେ ପ୍ରକୃତି ବି ଭଲପାଇବା ଦେବ ଏଥିରେ ତିଳେ ମାତ୍ର ସନ୍ଦେହ ନାହିଁ । ଆଉ ଏମିତି କିଛି ସଚେତନତା ମୂଳକ ବାର୍ତ୍ତା ନେଇ ବିଜୟ ଆଜକୁ 11 ବର୍ଷ ଧରି 25ଟି ରାଜ୍ୟ ବୁଲି ବୁଲି ସଭିଁଙ୍କୁ ସଚେତନ କରୁଛନ୍ତି ।
ଭିଡିଓ ସୌଜନ୍ୟ- ସମ୍ବାଦଦାତା, ବାଲେଶ୍ବର