ବିଧାୟକଙ୍କ ଘରେ ପାଗଳ ମାଙ୍କଡ଼ ଉତ୍ପାତ, ଜଣେ ଗୁରୁତର

ନୀଳଗିରି ବିଧାୟକଙ୍କ ଘରେ କାମ କରୁଥିବା ବେଳେ ଜଣେ ବ୍ୟକ୍ତି ମାଙ୍କଡ ଆକ୍ରମଣରେ ଆହତ ହୋଇଛନ୍ତି । ତାଙ୍କୁ ନୀଳଗିରି ହସ୍ପିଟାଲରେ ଭର୍ତ୍ତି କରାଯାଇଛି ।

ବାଲେଶ୍ଵର: ନୀଳଗିରି ବିଧାୟକ ସୁକାନ୍ତ କୁମାର ନାୟକଙ୍କ ଘରେ କାମ କରୁଥିବା ବେଳେ ଅଭି ସିଂ ନାମକ ବ୍ୟକ୍ତି ମାଙ୍କଡ ଆକ୍ରମଣରେ ଆହତ ହୋଇଛନ୍ତି । ଅଭିଙ୍କ ଜଙ୍ଘରେ ଗଭୀର କ୍ଷତ ହୋଇଥିବା ବେଳେ ତାଙ୍କୁ ନୀଳଗିରି ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି ।

ସୂଚନାଯୋଗ୍ୟ, ବିଧାୟକ ସୁକାନ୍ତ କୁମାର ନାୟକଙ୍କ ସଂଗ୍ରାମପୁରସ୍ଥିତ ବାସଭବନରେ ଅଭି ସିଂ କାର୍ଯ୍ୟ କରୁଥିଲେ । ସେହି ସମୟରେ ଏକ ପାଗଳ ମାଙ୍କଡ଼ ଘରକୁ ପଶି ଆସିବା ସହିତ ଅଭିଙ୍କୁ ଆକ୍ରମଣ କରିଥିଲା ।

ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ