ଲଟେରୀ ନାଁରେ ଲୁଟ, 3 ଗିରଫ

ବେଆଇନ ଲଟେରୀ ଟିକେଟ ବିକ୍ରି ଅଭିଯୋଗରେ 3ଜଣଙ୍କୁ ଗିରଫ କରିଛି ବାଲେଶ୍ବର ପୋଲିସ ।

ବାଲେଶ୍ବର: ଲଟେରୀ ନାଁରେ ଲୋକଙ୍କୁ ଲୁଟ । ବେଆଇନ ଲଟେରୀ ଟିକେଟ ବିକ୍ରି ଅଭିଯୋଗରେ 3ଜଣଙ୍କୁ ଗିରଫ କରିଛି ବାଲେଶ୍ବର ପୋଲିସ । ସହରର ଗୋଳାପୋଖରୀ ଅଞ୍ଚଳରେ ରାଜ୍ୟ ବାହାରର ଲଟେରୀ ଟିକେଟ ବିକ୍ରି ହେଉଥିବା ନେଇ ଟାଉନ ଥାନାରେ ଅଭିଯୋଗ ହୋଇଥିଲା ।

ଏହାକୁ ନେଇ ଟାଉନ ଥାନା ଆଇଆଇସି ସରୋଜିନୀ ନାୟକ ଘଟଣାସ୍ଥଳରେ ପହଞ୍ଚି 3 ଜଣଙ୍କୁ ଗିରଫ କରିଛନ୍ତି । ଗିରଫ ଅଭିଯୁକ୍ତମାନେ ହେଲେ ସହଦେଵ ଖୁଣ୍ଟା ଗୋଶାଳପଦା ଅଞ୍ଚଳର ଆକାଶ ନାୟକ, ସ୍କୁଲ ବଜାର ଅଞ୍ଚଳର ସେଖ ସାହିଦୁଲ ଓ କଂସେଇ ମୋହଲା ଅଞ୍ଚଳର ସେକ ବାବୁ । ଅଭିଯୁକ୍ତମାନଙ୍କୁ ଗିରଫ କରି ପୋଲିସ କୋର୍ଟ ଚାଲାଣ କରିଥିବା ଜଣାପଡିଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ