ବାଲେଶ୍ୱର: ଜିଲ୍ଲା ସିଂଲା ଥାନା ଅଞ୍ଚଳରେ ଜମି ଭାଗବଣ୍ଟାକୁ ନେଇ ଦୁଇ ପରିବାର ମଧ୍ୟରେ ଗଣ୍ଡଗୋଳ । ଉଭୟ ପକ୍ଷରୁ 4 ଜଣ ଆହତ ହୋଇଥିବାବେଳେ ଏଥିରେ ଜଣେ ମହିଳା ସାମିଲ ଅଛନ୍ତି । ଏନେଇ ଉଭୟଙ୍କ ପକ୍ଷରୁ ସିଂଲା ଥାନାରେ ଅଭିଯୋଗ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସିଂଲା ଥାନା ଲଙ୍ଗଳେଶ୍ବର ଗାଁର ପରମାନନ୍ଦ ଦାସ ଓ ମନ୍ମଥ ଦାସଙ୍କ ମଧ୍ୟରେ ଜମି ଭାଗବଣ୍ଟାକୁ ନେଇ ମାପଚୁପ ଚାଲିଥିଲା । ମାପ ଅନୁଯାୟୀ ଏକ ବାଡ଼ ବସାଇବାକୁ କେନ୍ଦ୍ର କରି ଉଭୟଙ୍କ ମଧ୍ୟରେ ଗଣ୍ଡଗୋଳ ସୃଷ୍ଟି ହୋଇଥିଲା । ମନ୍ମଥଙ୍କ ପୁଅ ତପନ, ସୁମନ୍ତର କଟିନ ପରମାନନ୍ଦଙ୍କ ପରିବାର ଉପରେ ଆକ୍ରମଣ କରିଥିଲେ । ଏହା ପରେ ପରମାନନ୍ଦଙ୍କ ପୁଅ ଅକ୍ଷୟ ଓ ସ୍ତ୍ରୀ ରିତାରାଣୀ ସେଠାକୁ ଆସିଥିବାବେଳେ ତାଙ୍କ ଉପରକୁ ଧାରୁଆ ଅସ୍ତ୍ରରେ ଆକ୍ରମଣ କରାଯାଇଥିବାର ଅଭିଯୋଗ ହୋଇଛି । ଏଥିରେ ରିତାରାଣୀ ଓ ଅକ୍ଷୟ ଗୁରୁତର ଆହତ ହୋଇ ମେଡିକାଲରେ ଭର୍ତ୍ତି ହୋଇଥିବା ବେଳେ ଅନ୍ୟମାନେ ସାମାନ୍ୟ ଆହତ ହୋଇଥିବା ଜଣାପଡିଛି।