ବାଲେଶ୍ବର: ବେଆଇନ ଭାବେ ଗଢି ଉଠିଥିବା ଇଟାଭାଟି ଗୁଡିକ ଭାଙ୍ଗିବା ପାଇଁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି । ଏହାକୁ ନେଇ ଶୁକ୍ରବାର ଇଟାଭାଟି ମାଲିକ ଓ ଶ୍ରମିକ ସଂଘ ପକ୍ଷରୁ ଏକ ସାମ୍ବାଦିକ ସମ୍ମିଳନୀ କରାଯାଇଥିଲା । ଯେଉଁଥିରେ ଜିଲ୍ଲାପାଳ ବେଆଇନ କହୁଥିବା ଇଟାଭାଟି ଗୁଡିକ ବେଆଇନ ନୁହେଁ ବରଂ ଆଇନ ସମ୍ମତ ବୋଲି ଯୁକ୍ତି କରାଯାଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ୱର
ଇଟାଭାଟି ପାଇଁ ଯେଉଁ ନିୟମ ଓ ଅନୁମତି ରହିବା କଥା ତାହା ମାଳିକମାନଙ୍କ ପାଖରେ ରହିଛି। କେବଳ ଦୁଇଟି ଅନୁମତି ସେମାନଙ୍କ ପାଖରେ ନଥିବା ସେମାନେ କହିଛନ୍ତି। ଏହି ଦୁଇଟି ଅନୁମତି ପ୍ରଦାନରେ ସରକାରୀ କଳର ବ୍ୟବସ୍ଥା ଦାୟୀ ବୋଲି କୁହାଯାଇଛି । ଅନୁମତି ପାଇଁ ମାଲିକ ମାନଙ୍କୁ ସମୟ ଦିଆଯାଉ ବୋଲି ଦାବି ହୋଇଛି। ସମୟ ନଦେଇ ବେଆଇନ କହି ଇଟାଭାଟି ଭାଙ୍ଗିବା କେତେଦୂର ଯୁକ୍ତିଯୁକ୍ତ ବୋଲି ସଂଘ ପ୍ରଶ୍ନ ଉଠାଇଛି ।