ଜିଲ୍ଲାପାଳଙ୍କ ଅଫିସ ଆଗରେ ଗର୍ଜିଲା ଜନଜାତି ସୁରକ୍ଷା ମଞ୍ଚ

ବାଲେଶ୍ଵରରେ ଜନଜାତି ସୁରକ୍ଷା ମଞ୍ଚ ପକ୍ଷରୁ ଏକ ଶୋଭାଯାତ୍ରାରେ ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚିଥିଲା। ସେଠାରେ ଏକ ଦାବିପତ୍ର ଜିଲ୍ଲାପାଳଙ୍କ ଜରିଆରେ ରାଜ୍ୟପାଳଙ୍କୁ ପ୍ରଦାନ କରାଯାଇଛି। ଅଧିକ ପଢ଼ନ୍ତୁ

ବାଲେଶ୍ଵର : ବାଲେଶ୍ଵରରେ ଜନଜାତି ସୁରକ୍ଷା ମଞ୍ଚ ପକ୍ଷରୁ ଏକ ଶୋଭାଯାତ୍ରାରେ ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚିଥିଲା । ସେଠାରେ ଏକ ଦାବିପତ୍ର ଜିଲ୍ଲାପାଳଙ୍କ ଜରିଆରେ ରାଜ୍ୟପାଳଙ୍କୁ ପ୍ରଦାନ କରାଯାଇଛି ।

ମଞ୍ଚର ଦାବି ଅନୁସାରେ, ଦେଶରେ ଜନଜାତିଙ୍କ ପାଇଁ ସାମଗ୍ରିକ ବିକାଶ ଉଦ୍ଦେଶ୍ୟରେ ଅନେକ ସ୍ୱତନ୍ତ୍ର ସୁଯୋଗ ରହିଛି । ଏହାସହ ସେମାନଙ୍କ ପରମ୍ପରା ଓ ସଂସ୍କୃତିକୁ ନେଇ ସେମାନେ ଗର୍ବିତ । ସଂରକ୍ଷଣ ସୁବିଧା ଯାହା ଜନଜାତିଙ୍କ ପାଇଁ ବେଶ ସହାୟକ ହେଉଛି। ମାତ୍ର ଏହି ସଂରକ୍ଷଣର ସୁବିଧା ସୁଯୋଗ ସେହିମାନେ ଅଧିକାଂଶରେ ନେଉଛନ୍ତି, ଯେଉଁମାନେ ଲୋକ ଆଦିମତ ବିଶ୍ୱାସ ଛାଡି ଅନ୍ୟ ଧର୍ମ ଗ୍ରହଣ କରୁଛନ୍ତି ।

ନିଜର ଧର୍ମ, ସଂସ୍କୃତି, ପୂଜା, ରୀତି, ନୀତି ସଂସ୍କାର ଓ ପର୍ବପର୍ବାଣୀକୁ ସେମାନେ ଛାଡି ସାରିଥିବା ବେଳେ ଜନଜାତି ସଂରକ୍ଷଣର ଫାଇଦା ଉଠାଉଥିବା ଅଭିଯୋଗ ହୋଇଛି । ଏଥିପାଇଁ ଯେଉଁମାନେ ଧର୍ମ ପରିବର୍ତ୍ତନ କରୁଛନ୍ତି ସେମାନଙ୍କୁ ସରକାରୀ ସ୍ତରରେ କୌଣସି ଜନଜାତି ସଂରକ୍ଷଣ ସୁବିଧା ପ୍ରଦାନ କରା ନଯିବା ପାଇଁ ଦାବି ହୋଇଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ