ଔପଦାରୁ ବିରଳ ବଜ୍ରକାପ୍ତା ଉଦ୍ଧାର

ବାଲେଶ୍ୱର ଜିଲ୍ଲାର ଔପଦା ଅଞ୍ଚଳରୁ ଏକ ବିରଳ ବଜ୍ରକାପ୍ତା ଉଦ୍ଧାର । ଏହାର ଆନୁମାନିକ ଓଜନ ପ୍ରାୟ ୩ କିଲୋଗ୍ରାମରୁ ଅଧିକ ହେବ ବୋଲି ଜଣାଯାଇଛି। ଅଧିକ ପଢନ୍ତୁ...

ବାଲେଶ୍ବର: ବିରଳ ବଜ୍ରକାପ୍ତା ଉଦ୍ଧାର କଲା ବାଲେଶ୍ବର ଜିଲ୍ଲା ଔପଦା ବନବିଭାଗ । ସୂଚନା ଅନୁଯାୟୀ, ବାଲେଶ୍ୱର ଦନ୍ତୁର ଫରେଷ୍ଟ ବିଟହାଉସ୍ ଅନ୍ତର୍ଗତ ଦାରିପୋଖରୀ ଗାଁ ନିକଟରେ ଥିବା ପୀଡ଼ାକଟା କେନାଲ ନିକଟରୁ ଶୁକ୍ରବାର ରାତିରେ ଏହି ବିରଳ ବଜ୍ରକାପ୍ତା ଉଦ୍ଧାର ହୋଇଛି । ଏହାର ଆନୁମାନିକ ଓଜନ ପ୍ରାୟ ୩ କିଲୋଗ୍ରାମରୁ ଅଧିକ ହେବ ବୋଲି ଜଣାଯାଇଛି।

ଉକ୍ତ ଅଞ୍ଚଳର ଯୁବକ ପ୍ରଦୀପ ରାଉତ ବଜ୍ରକାପ୍ତାଟିକୁ ଉଦ୍ଧାର କରି ବନବିଭାଗକୁ ହସ୍ତାନ୍ତର କରିଥିଲେ। ବଜ୍ରକାପ୍ତାକୁ ସୁରକ୍ଷିତ ସ୍ଥାନରେ ଛଡ଼ାଯାଇଥିବା ଜଣାପଡିଛି।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ