ବାଲେଶ୍ବର: ସାରା ଦେଶରେ ବଢିବାରେ ଲାଗି ରହିଛି ମହାମାରୀ କୋରୋନା ସଂକ୍ରମଣ । ବାହାର ରାଜ୍ୟରୁ ଫେରୁଥିବା ପ୍ରବାସୀଙ୍କୁ କ୍ବାରେଣ୍ଟିନ ସେଣ୍ଟରରେ ରହିବାକୁ ରାଜ୍ୟ ସରକାରଙ୍କ ପକ୍ଷରୁ ନିର୍ଦ୍ଦେଶ ଦିଆଯାଇଛି । ଏପରି ସମୟରେ ରାଜ୍ୟର ବିଭିନ୍ନ ସ୍ଥାନରେ ଥିବା କ୍ବାରେଣ୍ଟିନ ସେଣ୍ଟରରୁ ଅବ୍ୟବସ୍ଥା ନେଇ ଆସୁଛି ଅଭିଯୋଗ ।
ବଦଳୁଛି କ୍ବାରେଣ୍ଟିନ ସେଣ୍ଟରର ଚିତ୍ର, ନାଚଗୀତ ସହ ଦିଆଯାଉଛି ଯୋଗ ଶିକ୍ଷା
ରାଜ୍ୟର ଅନେକ କ୍ବାରେଣ୍ଟିନ ସେଣ୍ଟରରେ ବିଭିନ୍ନ ଅବ୍ୟବସ୍ଥା ଥିବା ଦେଖିବାକୁ ମିଳୁଛି । କେଉଁଠି ଖାଇବାକୁ ନେଇ ତ ପୁଣି ଆଉ କେଉଁଠି ରହିବା ପାଇଁ ଉପଯୁକ୍ତ ବ୍ୟବସ୍ଥା ନଥିବା ଅନ୍ତେବାସୀମାନେ ଅଭିଯୋଗ ଉଠାଇଛନ୍ତି । ହେଲେ ଏମିତି ଅନେକ କ୍ବାରେଣ୍ଟିନ ସେଣ୍ଟର ରହିଛି ଯେଉଁଠି ଅନ୍ତେବାସୀମାନେ ସଫା ସୁତୁରା କରିବା ସହ ସେଣ୍ଟରରେ ଥିବା ସମସ୍ୟା ସମାଧାନ ନିଜେ କରୁଥିବା ଦେଖିବାକୁ ମିଳିଛି। ଜିଲ୍ଲା ପ୍ରଶାସନ ପକ୍ଷରୁ ମଧ୍ୟ ଅନ୍ତେବାସୀଙ୍କ ପାଇଁ ବିଭିନ୍ନ ପ୍ରକାରର ପଦକ୍ଷେପ ହାତକୁ ନିଆଯାଉଛି ।