ବାଲେଶ୍ୱର: ଗ୍ରୀନ ଟ୍ରିବ୍ୟୁନାଲ ନିୟମକୁ ଖୋଲାଖୋଲି ଭାବେ ଉଲ୍ଲଙ୍ଘନ ହେଉଥିବା ଦେଖିବାକୁ ମିଳିଛି । ଜଳେଶ୍ବର ସୁବର୍ଣ୍ଣରେଖା ନଦୀ ପଠାରୁ ବେଆଇନ ଭାବେ ବାଲି ଚାଲାଣ କରି ବାଲି ମାଫିଆ ମାଲାମାଲ ହେଉଛନ୍ତି ।
ମାଇନିଂ ସହିତ ପରିବେଶ ଓ ଗ୍ରୀନ ଟ୍ରିବ୍ୟୁନାଲ ନିୟମ ଅନୁଯାୟୀ ବାଲି ସୈରାତରୁ ମେସିନ ସାହାଯ୍ୟରେ କୌଣସି ପରିସ୍ଥିତିରେ ବାଲି ଉଠାଣ ହୋଇପାରିବ ନାହିଁ । ଏପରିକି ପାଣି ଭିତରୁ ବାଲି ଉଠାଯାଇ ପାରିବ ନାହିଁ । ଓଭର ଲୋଡିଂ ବାଲି କିମ୍ବା ବିନା ପାଲରେ ବାଲି ପରିବହନ ହୋଇପାରିବ ନାହିଁ । ମାତ୍ର ଏସବୁ ନିୟମକୁ ଖୋଲାଖୋଲି ଉଲଙ୍ଘନ କରାଯାଉଥିବାବେଳେ ପ୍ରଶାସନ ନିଦ୍ରାରେ ଶୋଇଥିବା ଅଭିଯୋଗ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର