ବାଲେଶ୍ବର: ଜିଲ୍ଲାରେ ଲକଡାଉନ ସମୟରେ ଚାଲିଛି ବେଧଡକ ବେଆଇନ ମଦ ଚାଲାଣ । ଏହାର ଖବର ପାଇ ବାଲେଶ୍ବର ଜିଲ୍ଲା ଅବକାରୀ ମୋବାଇଲ ୟୁନିଟ ପକ୍ଷରୁ ଚଢ଼ାଉ କରାଯାଇ ବିପୁଳ ମଦ ଓ 5ଟି ବାଇକ ଜବତ କରାଯାଇଛି । ଏହାସହ ଚୋରା ମଦ କାରବାରରେ ସମ୍ପୃକ୍ତ ଦୁଇଜଣଙ୍କୁ ଗିରଫ କରାଯାଇଛି ।
ଲକଡାଉନର ସୁଯୋଗ ନେଇ ପୁରୁଣା ବାଲେଶ୍ଵର ଅଞ୍ଚଳରୁ ବିଭିନ୍ନ ସ୍ଥାନକୁ ଚୋରା ମଦ ଚାଲାଣ ହେଉଥିବା ଖବର ଅବକାରୀ ବିଭାଗ ପାଇଥିଲା । ପୁରୁଣା ବାଲେଶ୍ୱରରୁ ଭଦ୍ରକ ଚାଲାଣ ହେଉଥିବା ବେଳେ ଅବକାରୀ ବିଭାଗ ଇଂଚୁଡ଼ି ଓ ନୂଆନଇ ନିକଟରେ ଚଢ଼ାଉ କରିଥିଲା । ଚଢ଼ାଉରେ 8ଶହ ଲିଟର ଦେଶୀ ମଦ ଜବତ କରାଯିବା ସହ 5ଟି ବାଇକ ଜବତ କରାଯାଇଛି । ଏହାସହ ଏଥିରେ ସମ୍ପୃକ୍ତ ଦୁଇଜଣଙ୍କୁ ଗିରଫ କରାଯାଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
