ବାଲେଶ୍ବର: ଜିଲ୍ଲା ରେମୁଣା ବାମପଦା ଠାରେ ଥିବା କୁଷ୍ଠାଶ୍ରମ ପରିଦର୍ଶନ କରିଛନ୍ତି ଓଡିଶା ହାଇକୋର୍ଟର 3 ଜଣିଆ ଆଡଭୋକେଟ କମିଟି। କୁଷ୍ଠାଶ୍ରମର ସମସ୍ୟା ପ୍ରତି ଏହି କମିଟି ଧ୍ୟାନ ଦେଇଥିବା ଜଣାପଡିଛି ।
ବାମପଦା କୁଷ୍ଠାଶ୍ରମ ପରିଦର୍ଶନ କଲେ ହାଇକୋର୍ଟ ଆଡଭୋକେଟ ଟିମ
ରାଜ୍ୟର ବିଭିନ୍ନ ସ୍ଥାନରେ ଥିବା କୁଷ୍ଠାଶ୍ରମରେ ରୋଗୀମାନଙ୍କୁ ଉପଯୁକ୍ତ ଚିକିତ୍ସା ଓ ସୁବିଧା ମିଳୁନଥିବା ଅଭିଯୋଗ ହୋଇଥିଲା । ଯାହାଦ୍ବାରା କୁଷ୍ଠ ନିରାକରଣ ବଦଳରେ କୁଷ୍ଠ ରୋଗୀମାନେ ଯନ୍ତ୍ରଣା ଭୋଗୁଥିବା ଦେଖିବାକୁ ମିଳୁଥିଲା । ଏହି ସବୁ ସମସ୍ୟାକୁ ନେଇ ଓଡିଶା ହାଇକୋର୍ଟଙ୍କଠାରେ ଅଭିଯୋଗ କରାଯାଇଥିଲା । କୋର୍ଟ ଏହାକୁ ବିଚାର କରି ଏକ ତିନି ଜଣିଆ ଆଡଭୋକେଟ କମିଟି ଗଠନ ପାଇଁ ନିର୍ଦ୍ଦେଶ ଦେଇଥିଲେ। ଏହି କମିଟି ବିଭିନ୍ନ କୁଷ୍ଠାଶ୍ରମ ପରିଦର୍ଶନ କରି ସେଠାକାର ସ୍ଥିତି ଓ ରୋଗୀଙ୍କ ସମସ୍ୟା ସମ୍ପର୍କିତ ଏକ ବିସ୍ତୃତ ରିପୋର୍ଟ ସଂଗ୍ରହ କରି ଅଦାଲତଙ୍କ ନିକଟରେ ଦାଖଲ କରିବ।