ବାଲେଶ୍ଵର: ସହର ଭିତରକୁ ସକାଳ 8ରୁ ରାତି 10 ଯାଏଁ ଭାରିଯାନ ଉପରେ କଟକଣା ଜାରି କରାଯାଇଛି । ସହରର ଅଣ ଓସାରିଆ ରାସ୍ତା ଯୋଗୁଁ ଅନେକ ସମୟରେ ଟ୍ରାଫିକ ସମସ୍ୟା ଦେଖା ଦେଇଥାଏ । ଏହାକୁ ନେଇ ବାଲେଶ୍ଵର ଜିଲ୍ଲାପାଳ ବଡ଼ ଗାଡି ଚଳାଚଳ ଉପରେ କଟକଣା ଜାରି କରିଥିବା ଜଣାପଡ଼ିଛି ।
ଭିଡିଓ ସୌଜନ୍ୟ- ସମ୍ବାଦଦାତା, ବାଲେଶ୍ବର
ସହରର ଆଇଟିଆଇ ଛକ ଠାରୁ ବସ ଷ୍ଟାଣ୍ଡ, ପୋଲିସ ଲାଇନ ଛକ ଠାରୁ ହେମକାପଦା ଛକ, ଫକୀର ମୋହନ ଗୋଲେଇ ଠାରୁ ଟାଉନ ଥାନା, ଫାଣ୍ଡି ଛକରୁ ମୋତିଗଞ୍ଜ ବଜାର, ଷ୍ଟେସନ ଛକରୁ ପଢ଼ୁଆଁପଦା ଯାଏଁ ବଡ ଗାଡି ଚଳାଚଳ ଉପରେ କଟକଣା ଜାରି କରାଯାଇଛି । ଏହାସହ ସହରର ବିଭିନ୍ନ ରାସ୍ତା ଦେଇ ବଡ଼ ଗାଡି ଯାଇପାରିବ ନାହିଁ ବୋଲି ନିର୍ଦ୍ଦେଶ ହୋଇଥିବା ଜଣାପଡିଛି । ଏହା ପୂର୍ବରୁ ମଧ୍ୟ ଏମିତି କଟକଣା ଜାରି କରାଯାଇଥିଲା ଯାହାକୁ ନେଇ ଟ୍ରାଫିକ ଥାନା ପକ୍ଷରୁ ନିୟମ ଭାଙ୍ଗୁଥିବା ଗାଡି ଗୁଡିକ ଉପରେ ଜୋରିମାନା ଆଦାୟ ମଧ୍ୟ କରାଯାଇଛି ।