ଗଣପତିଙ୍କ ପ୍ରଥମ ପର୍ଯ୍ୟାୟ ଭଷାଣ ଉତ୍ସବରେ ଦୁଲୁକିଲା ସହର

ବାଲେଶ୍ବର ସହରରେ ଗଣପତିଙ୍କ ପ୍ରଥମ ପର୍ଯ୍ୟାୟ ଭଷାଣ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଭଷାଣିରେ ସମୁଦାୟ ୫୦ଟି ମେଢ଼ ବିର୍ସଜନ କରାଯାଇଥିବା ଜଣାପଡ଼ିଛି ।

ବାଲେଶ୍ବର: ସହରରେ ଗଣପତିଙ୍କ ପ୍ରଥମ ପର୍ଯ୍ୟାୟ ଭଷାଣ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଭଷାଣିରେ ସମୁଦାୟ ୫୦ଟି ମେଢ଼ ବିର୍ସଜନ କରାଯାଇଥିବା ଜଣାପଡ଼ିଛି ।

ବୁଧବାର ଜିଲ୍ଲା ମେଡିକାଲ ରାସ୍ତାର ସାଇଲେଣ୍ଟ ଜୋନରେ ଥିବା ସମସ୍ତ ମୂର୍ତ୍ତିକୁ ଶୋଭାଯାତ୍ରାରେ ଅଣାଯାଇ ଭଷାଣ କରାଯାଇଛି । ବାଣ, ବାଜା, ଗୀତ ଓ ନୃତ୍ୟର ତାଳେତାଳେ ଗଣପତିଙ୍କ ବିସର୍ଜନ କରାଯାଇଛି । ସହରରେ ହୋଇଥିବା ୧୨୨ଟି ମେଢ଼ରୁ ଅଧାରୁ ଅଧିକ ମେଢ଼ ବୁଧବାର ଭଷାଣ କରାଯାଇଥିବା ଜଣାପଡ଼ିଛି ।

ଏପଟେ ଟାଉନ ଥାନା ଅଞ୍ଚଳର ୩୬ଟି ମେଢ଼ ବାଲିଘାଟ ଅସ୍ଥାୟୀ ପୋଖରୀରେ ବିସର୍ଜନ କରାଯାଇଥିବା ବେଳେ ସହଦେବଖୁଣ୍ଟା ମଡେଲ ଥାନା ଅଞ୍ଚଳର ୧୪ଟି ମେଢ଼ ନୁଣିଆଯୋଡ଼ିରେ ବିସର୍ଜନ କରାଯାଇଛି । ତେବେ ଭଷାଣ ଉତ୍ସବ ପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଥିଲା । ଏସପି ବି. ଯୁଗଳ କିଶୋର ଭଷାଣ ଉତ୍ସବର ତଦାରଖ କରିଥିଲେ ।

ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ