ବାଲେଶ୍ଵର:ବିବାହିତା ମହିଳାଙ୍କୁ ଗଣଦୁଷ୍କର୍ମ ଅଭିଯୋଗ । ସ୍ବାମୀ ସମ୍ମୁଖରେ ମହିଳାଙ୍କୁ ଗଣଦୁଷ୍କର୍ମ । ଏଭଳି ଏକ ଲଜ୍ଜ୍ୟାଜନକ ଘଟଣା ଘଟିଛି ବାଲେଶ୍ବର ଜିଲ୍ଲାରେ । ଜିଲ୍ଲାର ସହଦେବଖୁଣ୍ଟା ଥାନା ଅଧିନ ଗୋଧିବସା ଅଞ୍ଚଳର ଜଣେ ମହିଳାଙ୍କୁ ଗଣଦୁଷ୍କର୍ମ ହୋଇଥିବା ଅଭିଯୋଗ ହୋଇଛି । ଗଣଦୁଷ୍କର୍ମ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ତେବେ ଗିରଫ ହୋଇଥିବା ୪ ଅଭିଯୁକ୍ତଙ୍କ ମଧ୍ୟରେ ଜଣେ ନାବାଳକ ଥିବା ସୂଚନା ।
ମହିଳାଙ୍କୁ ଗଣଦୁଷ୍କର୍ମ ଅଭିଯୋଗ, ଜଣେ ନାବାଳକ ସମେତ ୪ ଗିରଫ
ମିଳିଥିବା ସୂଚନା ଅନୁସାରେ, ସହରର ଗୋଧିବସା ଅଞ୍ଚଳର ଏକ ଦମ୍ପତି ସୋମବାର ବିଳମ୍ବିତ ରାତିରେ ବାଲେଶ୍ଵର ଷ୍ଟେସନରୁ ନିଜ ସମ୍ପର୍କୀୟଙ୍କୁ ଛାଡି ଘରକୁ ଫେରୁଥିଲେ । ଏହି ସମୟରେ ସ୍ଵାମୀଙ୍କୁ ଅତର୍କିତ ଭାବେ ଆକ୍ରମଣ କରିଥିଲେ କିଛି ଦୁର୍ବୃତ୍ତ । ଏହାପରେ ଦୁର୍ବୃତ୍ତମାନେ ସ୍ବାମୀ ସମ୍ମୁଖରେ ମହିଳାଙ୍କୁ ଗଣଦୁଷ୍କର୍ମ କରିଥିଲେ । ମହିଳାଙ୍କୁ ଗଣଦୁଷ୍କର୍ମ କରିବା ପରେ ଲୁଟପାଟ କରିଥିଲେ ଦୁର୍ବୃତ୍ତ । ଏନେଇ ଗତକାଲି (ମଙ୍ଗଳବାର) ଉଭୟ ସ୍ଵାମୀ ଓ ସ୍ତ୍ରୀ ସହଦେବଖୁଣ୍ଟା ଥାନାରେ ଅଭିଯୋଗ କରିଥିଲେ ।