ବାଲେଶ୍ବର: ସହର ସ୍ଥିତ ଏକ ଘରୋଇ କଲ୍ୟାଣ ମଣ୍ଡପରେ ଅଖିଳ ଓଡିଶା ମତ୍ସ୍ୟ ଉତ୍ପାଦକ ମହାସଙ୍ଘ ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଓ ରାଜ୍ୟ ସ୍ତରୀୟ ସାଧାରଣ ସଭା ଅନୁଷ୍ଠିତ ହୋଇଯାଇଛି।ଆଇନ ବିଧାନ ଅନୁସାରେ ମତ୍ସ୍ୟଜୀବୀମାନେ ସେମାନଙ୍କ ଗୁଜୁରାଣ ମେଣ୍ଟାଇବା ପାଇଁ ସମୁଦ୍ର ଭିତରକୁ ଯାଉଛନ୍ତି । ମାତ୍ର ମାଫିଆର ଆଖ୍ୟା ଦେଇ ନିରୀହ ଲୋକଙ୍କୁ ଗିରଫ କରାଯିବା ସହ ବୋଟ ଗୁଡିକ ଜବତ କରାଯାଉଛି।
ଭିଡିଓ ସୌଜନ୍ୟ- ସମ୍ବାଦଦାତା, ବାଲେଶ୍ବର
ବନ ବିଭାଗ ବୋଟ ସିଜ୍ କରି ସେଥିରେ ଥିବା ତେଲ ଓ ଉତ୍ପାଦିତ ମାଛ ବିକ୍ରି କରିଦେଉଥିବା ଅଭିଯୋଗ ହୋଇଛି। ମତ୍ସ୍ୟଜୀବୀଙ୍କୁ ସେମାନଙ୍କ ଗୁଜୁରାଣ ମେଣ୍ଟାଇବା ପାଇଁ ସରକାରଙ୍କ ଦ୍ବାରା ନିର୍ଦ୍ଧାରିତ ନିୟମ ଅନୁସାରେ ନଭେମ୍ବର ମାସରେ ଗହୀରମଥାକୁ ମନା ହୋଇଥାଏ । ମାତ୍ର ଚଳିତ ବର୍ଷ କୌଣସି ସୂଚନା ନଦେଇ ସେଠାକୁ ମାଛ ମାରିବା ପାଇଁ ଯାଇଥିବା ମତ୍ସ୍ୟଜୀବୀଙ୍କୁ ଗିରଫ କରିବା ସହ ବୋଟ ଜବତ କରାଯାଇଥିଲା ।