ବାଲେଶ୍ଵର: ସୋର ଅଞ୍ଚଳର ଦୁଇଟି ସ୍ଥାନରେ ଅଗ୍ନିକାଣ୍ଡ ଘଟି 10 ବଖରା ଘର ପୋଡି ପାଉଁଶ ହୋଇ ଯାଇଛି । ଅଗ୍ନିକାଣ୍ଡରେ ଅମଳ ଧାନ ପୋଡି ନଷ୍ଟ ହୋଇଯାଇଛି। ସୂଚନାନୁସାରେ, ସୋର ପୌରପାଳିକା ୧୯ ନମ୍ବର ୱାର୍ଡ କ୍ଷୀରକୋଣି ଗ୍ରାମରେ ଅଗ୍ନିକାଣ୍ଡ ଘଟି ବିକର୍ତ୍ତନ ମହାଳିକଙ୍କ 5 ବଖରା ଘର ପୋଡି ପାଉଁଶ ହୋଇଯାଇଛି।
ନିଆଁରେ ବିକର୍ତ୍ତନଙ୍କ ପତ୍ନୀ ଲକ୍ଷ୍ମୀ ଓ 10 ବର୍ଷର ନାତି ପୋଡି ହୋଇ ଆହତ ହୋଇଛନ୍ତି । ଚଳିତ ବର୍ଷ ବିକର୍ତ୍ତନ 7 ଏକର ଜମିରେ ଚାଷ କରିଥିବା ଧାନ ପୋଡି ଯାଇଛି। ଅଗ୍ନିଶମ ବାହିନୀ ପହଁଚିବା ବେଳକୁ ସବୁ କିଛି ପାଉଁଶ ହୋଇ ସାରିଥିଲା। ସେହିପରି କୁଡେଇ ଗ୍ରାମର ବିଜୟ ଦଳେଇଙ୍କ ଘରେ ନିଆଁ ଲାଗି 5ବଖରା ପୋଡି ପାଉଁଶ ହୋଇଯାଇଛି। ନଗଦ 12 ହଜାର ଟଙ୍କା ଓ ଲକ୍ଷାଧିକ ଟଙ୍କାର ଆସବାବପତ୍ର ପୋଡି ଯାଇଛି। ତେବେ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
