ବାଲେଶ୍ବର: ଜିଲ୍ଲାର ରେମୁଣା ବ୍ଲକ ଗୁଡୁଦା ପଞ୍ଚାୟତର ଚାଷୀମାନଙ୍କ ଧାନକୁ ମିଲର କିଣୁ ନଥିବା ଅଭିଯୋଗ ହୋଇଥିଲା । ଏଥିଲାଗି ଚାଷୀମାନେ ଯୋଗାଣ ଅଧିକାରୀଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରିବା ସହ ନିଜର ଦାବି ଉପସ୍ଥାପନ କରିଛନ୍ତି ।
ଧାନକିଣା ଦାବିରେ ଜିଲ୍ଲା ଯୋଗାଣ ଅଧିକାରୀଙ୍କ ଅଫିସ ଆଗରେ ଚାଷୀଙ୍କ ବିକ୍ଷୋଭ
ମିଳିଥିବା ସୂଚନା ଅନୁସାରେ, ଦୁର୍ଗାଦେବୀ ସୋସାଇଟି ଅଧିନରେ ଥିବା ଚାଷୀମାନଙ୍କ ଧାନକୁ ମିଲରମାନେ ଗୁଡୁଦା ଅଞ୍ଚଳକୁ ଅତିକ୍ରମ କରି କିଣୁଛନ୍ତି । ମାତ୍ର ଗୁଡୁଦା ଅଞ୍ଚଳର ଚାଷୀଙ୍କ ଧାନ କୌଣସି ମିଲର କିଣୁ ନ ଥିବା ଅଭିଯୋଗ ହୋଇଛି । ଗୁଡୁଦା ମିଲରମାନେ ଧାନ ନ କିଣିବାର କାରଣ ସମ୍ପାଦକଙ୍କ ମନମୁଖୀ କାର୍ଯ୍ୟକଳାପ ବୋଲି ଚାଷୀମାନେ ଅଭିଯୋଗ କରିଛନ୍ତି ।