ଚୋରା ମଦ ବେପାର ଆଡ୍ଡାରେ ଅବକାରୀ ବିଭାଗର ଚଢାଉ, 4 ଗିରଫ

ବାଲେଶ୍ବରରେ ଦେଶୀ ମଦ ସାଙ୍ଗକୁ ବିଦେଶୀ ମଦ ଚୋରା ବେପାର ଆଡ୍ଡାରେ ଅବକାରୀ ବିଭାଗର ଚଢାଉ । ଏହି ଘଟଣାରେ 4ଜଣଙ୍କୁ ଗିରଫ କରିଛି ପୋଲିସ ।

ବାଲେଶ୍ବର: ସହରର ବିଭିନ୍ନ ସ୍ଥାନରେ ଅବକାରୀ ବିଭାଗର ଚଢାଉ । ଜିଲ୍ଲାପାଳ ଓ ଅବକାରୀ ଅଧିକ୍ଷକଙ୍କ ନିର୍ଦ୍ଦେଶକ୍ରମେ ସଦର ଡିଏସପିଙ୍କ ନେତୃତ୍ବରେ 10 ଜଣିଆ ଟିମ ଚଢାଉ କରିଥିଲା । ଚଢାଉ ବେଳେ 2 ହଜାର ଲିଟର ଦେଶୀମଦ, ଗୋଟିଏ ବାଇକ ଜବତ କରିବା ସହ 4ଜଣକୁ ଗିରଫ କରିଛି ପୋଲିସ ।

ସହରରେ ଦେଶୀ ମଦ ସାଙ୍ଗକୁ ବିଦେଶୀ ମଦ ଚୋରା ବେପାର ହେଉଥିବା ଅଭିଯୋଗ ହେଉଛି । ଫଳରେ ସହରରେ ଅପରାଧିକ ମାମଲା ମଧ୍ୟ ବୃଦ୍ଧି ପାଉଛି । ଯାହାକୁ ଦୃଷ୍ଚିରେ ରଖି ପ୍ରଶାସନ ପକ୍ଷରୁ ନିଆଯାଉଛି ଏଭଳି ପଦକ୍ଷେପ ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ